Risimu ra Tinsimu 6:4 - BIBELE Mahungu Lamanene

⁴ We murhandziwa u sasekile ku fana ni muti wa Tirisa, u vumbekile ku fana ni muti wa Yerusalema, u hlamarisa ku fana ni masocha lama khomeke mijeko.

Xitsonga (Bibele)

⁴ U sasekile, murhandziwa wanga, ku fana na Tirisa, U sasekile kukotisa Yerusalema, Kambe wa chavisa ku fana ni mavandla lama tameleke mijeko.

Risimu ra Tinsimu 6:4 Referans Kwoze

Risimu ra Tinsimu 6:10

“Loyi i mani, wa langutelo ro fana ni vurhonga, wo xonga onge i n'weti, wo vangama tanihi dyambu, wo hlamarisa ku fana ni masocha lama khomeke mijeko?”

Pisalema 48:2

xiyimo xa ntshava ya Siyoni a hi ku saseka ka xona, vanhu va misava hinkwayo va tsakela yona, hikuva muti wa Mufumi wa hinkwaswo wu le ka yona, hi yona “Ntshava-ya-le-N'walungwini”.

1 TIHOSI 14:17

Kutani nkosikazi ya Yerobuwamu yi suka, yi tlhelela kaya eTirisa. Loko yi fika enyangweni ya muti wa yona, n'wana wa yona a fa.

Nhlavutelo 21:2

Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena.

Swirilo 2:15

Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”

Risimu ra Tinsimu 4:7

Murhandziwa, u xongile swinene, a xi kona lexi solekaka eka wena.

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Pisalema 50:2

Xikwembu xi komba ku vonakala ka xona lokukulu, xi ri emutini wo saseka ngopfu wa Siyoni.

Vaefesa 5:27

Ú naverile ku yimisa Kereke emahlweni ka yena, hi ku saseka ka yona hinkwako, yi nga ri na xivati kumbe minkonya, kumbe xin'wana lexi fanaka na swona, kambe yi ri leyi hlawulekeke, leyi nga riki na xisandzu.

2 Vakorinto 10:4

Hikuva matlhari lawa hi lwaka ha wona, a hi lama tirhisiwaka hi vanhu, kambe hi matimba ya Xikwembu ma ni ntamu wo hirimuxa makhokholo. Hi hlanhla makungu ya vunwa,

Zakariya 12:3

Hi siku rero, muti wa Yerusalema ndzi ta wu endla ribye lero tika; vanhu hinkwavo lava va nga ta ringeta ku ri tlakula, ri ta va tsandza, ri va vavisa swinene. Kutani matiko hinkwawo ya misava ma ta ri hlengela.

Risimu ra Tinsimu 5:2

A ndzi etlele, kambe mbilu a yi nga ri kona evurhongweni. Ndzi twa ku gongondza ka murhandziwa: Ú ri: “Ndzi pfulele murhandziwa, we xiluva xanga, wena xituvana xa mina lexi hetisekeke, hikuva nhloko ya mina yi tsakamile hi mberha, misisi ya mina yi thoneriwile hi mathonsi ya vusiku.”

Risimu ra Tinsimu 1:15

Murhandziwa, u sasekile wo va mbhurhi ya ku vatlwa! Mahlo ya wena ma fana ni ya matuva.

Risimu ra Tinsimu 1:5

Ndzo va ni ntima ntsena, kambe ndzi sasekile, n'we vanhwanyana va Yerusalema. Ndzi fana ni mintsonga ya Kedara hi ntima, hi ku saseka ndzi fana ni makhetenisi ya yindlu ya Solomoni.

1 TIHOSI 15:33

Hi lembe ra vunharhu ra ku fuma ka hosi Asa le Yuda, Baaxa n'wana Ahiya a sungula ku fuma tiko ra Israele, a ri eTirisa, a fuma kona malembe ya 24.

1 TIHOSI 15:21

Loko Baaxa a twa mhaka leyi, a tshika ku biyela muti wa Rhama hi rirhangu, a ya tshama eTirisa.

Pisalema 48:3

Xikwembu xi le ndzeni ka makhokholo ya yona, xi tiveka xi ri mulweri wa yona.