Risimu ra Tinsimu 6:2 - BIBELE Mahungu Lamanene

² Murhandziwa wa mina ú rhelele entangeni wa yena, laha ku byariweke swinun'hweriso, a ya risela kona ntlhambi wa yena, ni ku hlengeleta swiluva.

Xitsonga (Bibele)

² Murhandziwa wa mina u fambile ensin'wini ya yena, Etindzimeni ta mirhi ya risuna, Leswaku a dyisa ntlhambi wa yena emasikwini, a kha makhon'wa.

Risimu ra Tinsimu 6:2 Referans Kwoze

Risimu ra Tinsimu 5:13

Tinhlaya ta yena ti fana ni ntanga wa swinun'hweriso leswi humesaka ku nun'hwela ko tsakisa. Milomo ya yena i swiluva leswi ntontaka mafurha ya mirha.

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Yohane 14:3

Loko ndzi yile ku ya mi lunghisela kona, ndzi ta vuya; kutani ndzi ta mi teka mi ta ka mina, leswaku laha ndzi nga kona, mi va kona na n'wina.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Matewu 18:20

Hikuva laha vambirhi kumbe vanharhu va hlengeletaneke kona hi vito ra mina, na mina ndzi kona exikarhi ka vona.”

Sofoniya 3:17

HOSI Xikwembu xa wena, xi na wena, yona nhenha leyi yi ku hlurisaka valala; xi ta tlhela xi ku komba rirhandzu ra xona, xi ta tsaka swinene ha wena,

Ezekiele 34:23

Ndzi ta va veka ehansi ka murisi un'we, a nga yena Davhida nandza wa mina, kutani hi yena loyi a nga ta va murisi wa vona, a va hlayisa.

Esaya 61:11

HOSI N'wini wa hinkwaswo ú ta endla leswaku ku lulama ni ku dzuneka swi humelela emahlweni ka vanhu va matiko hinkwawo, tani hileswi misava yi mirisaka swimila, ni mintanga yi hlukisaka leswi byariweke eka yona.

Esaya 58:11

Mina HOSI, ndzi ta mi rhangela emahlweni minkarhi hinkwayo, ndzi mi nyika swilo hinkwaswo leswinene leswi mi swi navelaka, ndzi tlhela ndzi mi tiyisa; mi ta fana ni ntanga lowu kumaka mati yo ringana, mi kota xihlovo lexi mati ya xona ma nga phyiki.

Esaya 57:1

Vanhu lavo lulama va fa, kambe ku hava loyi a anakanyaka ta rifu ra kona; lavo tshembeka va susiwa emisaveni, kambe a ku na munhu loyi a twisisaka leswaku loko lavo lulama va susiwa, va sirheleriwa eka khombo leri taka,

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Risimu ra Tinsimu 6:11

Ndzi rhelerile ndzi ya entangeni wa le minkanyini ku ya hlalela swiluva swa le nkoveni, ni ku vona loko vhinya yi hlukile, ni loko mirhi ya magrenada yi balekile swiluva.

Risimu ra Tinsimu 4:12

Murhandziwa, ye nhwana wanga, i ntanga lowu biyeleriweke, o va wona hakunene! I xihlovo lexi funengetiweke.

Risimu ra Tinsimu 2:16

Loyi i murhandziwa wa mina, na mina ndzi wa yena; ntlhambi wa yena ú wu risela exikarhi ka swiluva,

Risimu ra Tinsimu 4:5

Mavele ya wena hi vumbirhi bya wona ma fana ni swimbavalana swimbirhi leswi tswariweke siku rin'we, swi dyelaka exikarhi ka swiluva.

Risimu ra Tinsimu 4:16

We moya wa le n'walungwini, pfuka, na wena moya wa le dzongeni, tana! Hungelani entangeni wa mina, mi hangalasa ku nun'hwela ka wona, leswaku murhandziwa a ta ta entangeni wa yena, a ta dya mihandzu ya wona leyo nandziha.

Risimu ra Tinsimu 5:1

Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.