Risimu ra Tinsimu 5:15 - BIBELE Mahungu Lamanene

¹⁵ Milenge ya yena i tiphuphu ta maribye yo rhetela, leti tlhomiweke eminkotlotweni ya nsuku. Xivumbeko xa yena xi fana ni ntshava ya Lebanoni, xi hlawulekile ku fana ni mirhi ya Kedari.

Xitsonga (Bibele)

¹⁵ Milenge ya yena yi fana ni timhandze ta mabulu leyo basa; Ti vekiwe eswikhatweni swa nsuku lowu tengeke. Xivumbeko xa yena xi fana na Lebanoni, Xi hlawulekile ku fana ni xa tikedari. Rito ra yena ra nandziha ngopfu, Kutani vumunhu bya yena hinkwabyo hi lebyi tsakisaka.

Risimu ra Tinsimu 5:15 Referans Kwoze

1 TIHOSI 4:33

Ú hlamuserile ta misinya, ku sukela eka leyikulu tanihi mirhi ya kedari ya le Lebanoni, ku fikela eka leyitsongo yo fana ni swimidyana swa hisopa leswi milaka emakhumbini; naswona ú hlamuserile ta swiharhi ni swinyanyana, ni swikokovi, ni tinhlampfi.

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Timhaka 2:28

U ndzi tivisile tindlela ta vutomi, u ta ndzi tata hi ntsako, u va na mina.’

Matewu 28:3

A yi vangama ku fana ni rihati, ni swiambalo swa yona a swi basile kukota gamboko.

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Zakariya 9:17

Hakunene tiko ri ta saseka, ri tsakisa! Majaha ni vanhwana va ta kula va tsakile, hikuva va ta phameriwa swakudya ni swakunwa leswinene.

Hosiya 14:7

Va ta vuya va ta dzumba ehansi ka ndzhuti wa mina, va ta pfuxetiwa ku fana ni ntanga; va ta hluka ku fana ni murhi wa vhinya, ku nun'hwela ka vona ku ta fana ni ku nun'hwela ka vhinyo ya le Lebanoni.

Risimu ra Tinsimu 7:4

Nhamu ya wena yi fana ni khokholo leri akiweke hi matino ya ndlopfu. Mahlo ya wena i mativa ya le Hexiboni lama nga kusuhi ni nyangwa ya Beta-Rabimi. Nhompfu ya wena yona yi fana ni xihondzo xa Lebanoni, lexi langutaneke ni muti wa Damaska.

Risimu ra Tinsimu 4:11

Milomo ya wena yi ntonta vulombe, we murhandziwa; ehansi ka ririmi ra wena ku ni swihlenge ni ntswamba, ku nun'hwela ka swiambalo swa wena ku fana ni ku nun'hwela ka Lebanoni.

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Pisalema 92:12

Lavo lulama va ta mila kukota ncindzu, va ta kula ku fana ni murhi wa kedari wa le Lebanoni.

Vaavanyisi 13:6

Kavaloko wansati a ya eka nuna wa yena, a fika a ku: “Munhu wa Xikwembu a a tile eka mina. Xivumbeko xa yena a xi chavisa swinene, xi fana ni xivumbeko xa ntsumi ya Xikwembu. A ndzi n'wi vutisanga leswaku a a huma kwihi, na vito ra yena a nga ndzi byelanga.

Eksoda 26:19

Ehansi ka mapulangi lawa ya 20, mi ta veka minkotloto ya 40 ya silivhere. Ku ta va ni minkotloto mimbirhi ehansi ka pulangi rin'we, laha ku nga ta nghena timhingu ta rona timbirhi; ni minkotloto mimbirhi ehansi ka rin'wana pulangi, laha ku nga ta nghena timhingu ta rona timbirhi.

Pisalema 80:10

Tintshava a ti ri endzhutini wa wona; a wu namarhela mirhi leyikulu ya mikedari,

Ezekiele 17:23

Murhi lowu ndzi ta wu byala entshaveni leyo leha ya Israele. Wu ta kula wu phaka marhavi, wu veka ni mihandzu, wu hundzuka murhi lowukulu wa kedari. Tinyanyana ta tinxaka-xaka ti ta tshama endzhutini wa wona, ti aka swisaka emarhavini ya wona.

Ezekiele 31:8

Mirhi ya kedari leyi nga ntangeni wa Xikwembu a yi nga ringani na wona, matluka ya wona a ma tlula ya kipresi hi ku tala; hambi ya ri marhavi ya xirhombe-rhombe a ma nga fiki eka marhavi ya murhi lowu; entangeni wa Xikwembu a ku ri hava murhi wun'wana lowu sasekeke kukota lowu.

Pisalema 92:13

Va simekiwile endlwini ya HOSI Xikwembu xa hina, va phaka marhavi eswivaveni swa Tempele ya xona.

Swirilo 4:7

Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.