Risimu ra Tinsimu 5:14 - BIBELE Mahungu Lamanene

¹⁴ Mavoko ya yena i nsuku lowu vumbekeke, lowu sasekisiweke hi maribye ya nkoka. Miri wa yena wu rhetela ku fana ni matino ya ndlopfu, lama nameketiweke maribye ya nkoka ya safiri.

Xitsonga (Bibele)

¹⁴ Mavoko ya yena ma fana ni swingwavila swa nsuku, Leswi namekiweke hi maribye ya krisolita; Khwiri ra yena ri fana ni timhondzo ta ndlopfu leti hatimaka, Ti namekiweke hi maribye ya safiri.

Risimu ra Tinsimu 5:14 Referans Kwoze

Eksoda 24:10

Kutani va vona Xikwembu xa Israele; laha hansi ka milenge ya xona a wonge hiloko ku ri ni maribye ya nkoka swinene ya “safiri”, yo phatima ku fana ni rihlaza ra tilo.

Esaya 54:11

HOSI Xikwembu xi ri: “We Yerusalema, muti lowu twisiweke ku vava, lowu biweke hi xihuhuri, wu nga lamuleriwi hi munhu, ndzi lava ku aka hi vuntshwa masungulo ya wena, ndzi ma sasekisa hi maribye ya nkoka ya ‘safiri’ lama khomanisiweke hi semende leyo tiya.

Ezekiele 1:16

Mavhilwa lawa ya mune a ma fana, ma vangama kukota ribye ra nkoka; naswona a ma ri ni xivumbeko xin'we: Endzeni ka rin'wana ni rin'wana ra wona, a ku vonaka vhilwa ra vumbirhi leri hingakanyaka.

Esaya 52:13

HOSI Xikwembu xi ri: “Vonani, nandza wa mina ú ta kateka; ú ta tlakusiwa, a va munhu wo chaviseka swinene.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Risimu ra Tinsimu 7:2

Nkava wa wena i xinkambana xa xirhendzewutana, lexi tshamaka xi ri ni vhinyo leyo nandziha. Khwiri ra wena i nhulu ya koroni leyi rhendzeriweke hi swiluva.

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Eksoda 39:13

rixaxa ra vumune a ri ri ni lawa: “berila”, na “onikisi”, na “yaspere”. Maribye lawa a ma vekeriwile eka swiangarhelo swa nsuku.

Eksoda 28:20

rixaxa ra vumune ri ta va ni lawa: ‘berila’, na ‘onikisi’, na ‘yaspere’. Maribye lawa ma fanele ku vekeriwa eka swiangarhelo swa nsuku.

Eksoda 15:6

“Matimba ya voko ra wena ra xinene, we HOSI, ma hlamarisa; voko ra wena ra xinene, we HOSI, ri fayeterile valala.

Eksoda 28:18

rixaxa ra vumbirhi ri ta va ni maribye lawa: ‘emeralda’, na ‘safiri’, na ‘dayimani’;

Ntirho 28:16

Byi ni nkoka ku tlula nsuku wa le Ofiri, byi tlula ni maribye yo saseka ya “Onikisi” ni ya “Safiri”.

Daniele 10:6

Miri wa yena a wu fana ni ribye ra nkoka, nghohe ya yena yi hatima ku fana ni rihati, mahlo ya yena ma kota malangavi ya ndzilo; mavoko ni milenge ya yena a swi vonaka onge i swa koporo leyi vangamisiweke; loko a vulavula, mpfumawulo wa kona a wu fana ni wa ntshungu lowukulu.