Risimu ra Tinsimu 5:10 - BIBELE Mahungu Lamanene

¹⁰ Murhandziwa wa mina ú yimekile, a tlhela a saseka, ú hlawulekile exikarhi ka madzana-dzana.

Xitsonga (Bibele)

¹⁰ Murhandziwa wa mina u basile, u tshwukile; U hlawulekile exikarhi ka lava khume ra madzana.

Risimu ra Tinsimu 5:10 Referans Kwoze

Pisalema 45:2

Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

Pisalema 45:17

Vito ra wena ndzi ta ri dzunisa evanhwini minkarhi hinkwayo, kutani vanhu va matiko hinkwawo va ta ku twarisa hilaha ku nga heriki.

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Vaheveru 2:10

Hikuva a swi fanela leswaku Xikwembu, lexi swilo hinkwaswo swi hanyelaka xona ni ku hlayisiwa hi xona, loko xi fikisa vana va xona lavo tala eku kwetsimeni, xi endla leswaku murhangeri wa ku ponisiwa ka vona a va loyi a hetisekeke, hi mhaka ya ku vaviseka ka yena.

Vakolosa 1:18

Hi yena nhloko ya miri, hileswaku ya Kereke. Hi yena masungulo ya hinkwaswo ni loyi a rhangeke a pfuka exikarhi ka vafi, leswaku a va lowo rhanga eswilweni hinkwaswo.

Varhoma 9:5

Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Risimu ra Tinsimu 2:1

Mina ndzi xiluva xa le Xaroni, ndzi xiluva xa le minkoveni.

1 SAMIELE 16:12

Kutani Yese a rhuma vanhu, va ya vuya na yena. Jaha ra kona a ri ri mbhuri ya mahlo yo saseka ni xivumbeko xo tsakisa. HOSI Xikwembu xi ku ka Samiele: “Loyi, hi yena! Suka u yima u n'wi chela mafurha enhlokweni.”

Duteronoma 32:31

Valala va hina a va na rona ribye leri tiyeke, leri fanaka ni Ribye ra hina, sweswo va swi tiva, vona hi voxe.

Esaya 66:19

Ndzi ta veka xikombiso xa matimba ya mina exikarhi ka vona, kutani ndzi ta rhuma lava poneke ku ya tivisa ku dzuneka ka mina eka vanhu va matiko man'wana. Va ta ya eTarxixi, ni le Putu, ni le Ludu, ri nga tiko ra lava tivaka ku konga vurha; va ta ya ni le Tubala, ni le Yavhani, ni le swihlaleni swa le kule. Vanhu lava hinkwavo a va si tshama va twa kumbe ku vona ku dzuneka ka mina.

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.

Esaya 10:18

Masimu layo nona ni swihlahla leswi Vaasiriya va tidzunisaka ha swona, HOSI Xikwembu xi ta swi herisela makumu, swi fana ni munhu loyi a hetaka hi vuvabyi.

Swirilo 4:7

Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.