Risimu ra Tinsimu 4:9 - BIBELE Mahungu Lamanene

⁹ U ndzi yivile mbilu, we murhandziwa, nhwana wanga; loko u ndzi tlhava hi tihlo, wa ndzi tsakisa, vuhlalu lebyi u byi ambaleke byi ndzi koka mahlo.

Xitsonga (Bibele)

⁹ U teke mbilu ya mina, makwerhu muvutiwa wa mina, U teka mbilu ya mina hi tihlo rin'we ra wena, Hi nketana yin'we ya nhamu ya wena.

Risimu ra Tinsimu 4:9 Referans Kwoze

Risimu ra Tinsimu 4:12

Murhandziwa, ye nhwana wanga, i ntanga lowu biyeleriweke, o va wona hakunene! I xihlovo lexi funengetiweke.

2 Vakorinto 11:2

Ndza mi hisekela kukota leswi Xikwembu na xona xi mi hisekerisaka xiswona. Ndzi mi nyiketile eka Kriste kukota nhwana la tengeke, leswaku a va nuna un'we ntsena eka n'wina.

Risimu ra Tinsimu 7:10

Mina ndzo va wa murhandziwa, na yena ú navela mina ntsena.

Nhlavutelo 21:2

Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena.

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

Sofoniya 3:17

HOSI Xikwembu xa wena, xi na wena, yona nhenha leyi yi ku hlurisaka valala; xi ta tlhela xi ku komba rirhandzu ra xona, xi ta tsaka swinene ha wena,

Ezekiele 16:8

“Loko ku hundzile nkarhi, ndzi tlhele ndzi ta eka wena ndzi ta ku kamba, ndzi kuma leswaku u nhwana la tiyeleke; hiloko ndzi ku funengeta hi xiambalo ndzi siva tingana ta wena. Ndzi twananile na wena, ndzi tshembisa ku ku teka, ku vula mina HOSI N'wini wa hinkwaswo, kutani u vile wa mina.

Esaya 62:5

Loyi a ku akaka hi vuntshwa, ú ta ku teka, ku fana ni jaha leri tekaka nhwana wa rona. Xikwembu xa wena xi ta ku tsakela ngopfu, kukotisa wanuna loyi a tsakisiwaka hi nsati wa yena.

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Risimu ra Tinsimu 6:12

Loko ndzi nga si anakanya nchumu, miehleketo ya mina yi ndzi teka, yi ndzi veka ekalichini etlhelo ka hosi ya ka hina.

Risimu ra Tinsimu 6:5

U nga ndzi languti, hikuva mahlo ya wena ma ndzi heta matimba. Misisi ya wena yi fana ni ntlhambi wa timbuti, leti rhelelaka ti suka entshaveni ya Giliyadi.

Risimu ra Tinsimu 4:10

Rirhandzu ra wena, a hi ku tsokombela ka rona murhandziwa, we nhwana wanga, vhinyo a yi fiki eka rirhandzu ra wena hi ku tsokombela, ku nun'hwela ka mafurha lawa u ma tolaka ku tlula swinun'hweriso hinkwaswo.

Risimu ra Tinsimu 3:11

N'wina vanhwana va Siyoni, humani mi ya vona hosi Solomoni; ú ambele harhi ya vuhosi leyi a nyikiweke hi mana wa yena; ú tlhandlekiwile yona esikwini ra ku teka ka yena, ri nga siku leri a kumeke xo tsakisa mbilu yakwe.

Risimu ra Tinsimu 1:15

Murhandziwa, u sasekile wo va mbhurhi ya ku vatlwa! Mahlo ya wena ma fana ni ya matuva.

Risimu ra Tinsimu 1:10

Misisi ya wena leyi lukiweke ya ku sasekela, nhamu ya wena yi bombisiwile hi vuhlalu bya nkoka.

Pisalema 45:9

Exikarhi ka vavasati va laha ntsindza ku ni vana va tihosi, evokweni ra wena ra xinene, ku yimile nkosikazi, a ambele vuhlalu bya nsuku lowo tenga.

1 Vakorinto 9:5

Xana a hi na fanelo ya ku famba-famba hi ri ni nsati la nga makwerhu eHosini, tanihi leswi vaapostola van'wana va endlisaka swona, ni vamakwavo va Hosi, na Petro, xana?

Matewu 12:50

hikuva un'wana ni un'wana la endlaka ku rhandza ka Tata wa mina la nge tilweni, hi yena makwerhu wa xinuna, ni wa xisati, na manana.”

Genesa 41:42

Hiloko Faro a susa xingwavila xa yena xo fungha ha xona, a xi tlhoma eritihweni ra Yosefa, a n'wi ambexa swiambalo swa ntsembyani wo saseka, a n'wi ambexa ni nketani ya nsuku enhan'wini.

Genesa 20:12

Kasi nakona, loyi wo va makwerhu hakunene; hi lo hambana ntsena hi vamanana, tatana i un'we; kambe sweswi i nsati wa mina.

Swivuriso 1:9

Swi ta va harhi yo saseka enhlokweni ya wena, ni vuhlalu bya nkoka enhan'wini ya wena.

Ezekiele 16:11

Ndzi ku sasekisile hi swilo swo vangama, ndzi ku bela masindza emavokweni ni vuhlalu enhan'wini.

Daniele 5:7

Kutani Belxatsara a huwelela vavhumbhi ni Vakalediya ni lava tivaka tinyeleti, a byela tintlhari leti ta Babilona, a ku: “Loyi a nga ta hlaya leswi tsariweke laha khumbini, a tlhela a ndzi hlamusela swona, ndzi ta n'wi ambexa xiambalo xa xivunguvungu, ndzi n'wi ambexa ni vuhlalu bya nsuku enhan'wini, kutani ndzi n'wi veka ku va ndhunankulu etikweni ra mina.”

Swivuriso 6:25

U nga tshuki u navela ku saseka ka yena, ni ku copeta-copeta ka yena ku nga tshuki ku ku yenga.