Risimu ra Tinsimu 4:3 - BIBELE Mahungu Lamanene

³ Milomo ya wena ya ku fanela, ni xinon'wana xa wena xi vumbekile. Marhama ya wena endzeni ka nturhu ma fana ni magrenada mambirhi.

Xitsonga (Bibele)

³ Milomu ya wena yi fana ni ngoti ya xivunguvungu; Mavulavulele ya wena ma nandziha, Marhama ya wena ma fana ni swiphemu swa girenada Ehansi ka xisirhelo xa wena.

Risimu ra Tinsimu 4:3 Referans Kwoze

Risimu ra Tinsimu 6:7

Marhama ya wena endzeni ka nturhu ma fana ni magrenada.

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

Yoxuwa 2:18

Wena u fanele ku vona leswaku loko hi fika laha tikweni, ngoti leyi yo tshwuka u yi bohelela efasitereni leri u hi nembeleteke ha rona, naswona tata wa wena, ni mana wa wena, ni vamakwenu, ni va ka n'wina hinkwavo u fanele ku va hlengeleta endlwini ya wena.

Vaheveru 9:19

Hikuva loko xileriso xin'wana ni xin'wana xa Nawu xi tivisiwile hi Muxe eka vanhu hinkwavo, ú tekile ngati ya marhole ni mati, a teka ni voya byo tshwuka ni matluka ya hisopa, a xuva ha swona buku ya Nawu ni vanhu hinkwavo,

Vakolosa 4:6

Ku vulavula ka n'wina a ku ve lokunene, loku nandzihaka masiku hinkwawo, mi ta tiva hilaha mi fanelaka ku hlamula un'wana ni un'wana hakona.

Vaefesa 4:29

Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Luka 4:22

Kutani hinkwavo va vula vumbhoni byo saseka ehenhla ka yena, va ri karhi va hlamala marito layo saseka lama humaka enon'wini wa yena, va ku: “Xana munhu loyi a hi yena n'wana Yosefa xana?”

Matewu 12:35

Munhu lonene ú humesa swilo leswinene exumeni xa yena lexinene, kambe munhu lowo biha ú humesa leswo biha exumeni xa yena lexo biha.

Ezekiele 16:63

U ta tsundzuka leswi humeleleke, kutani u tisola; a wu nga ha tlheli u pfula nomo wa wena hikwalaho ka tingana ta wena. Mina HOSI N'wini wa hinkwaswo ndzi ri, ndzi ta ku rivalela hinkwaswo leswi u swi endleke!”

Risimu ra Tinsimu 7:9

Onge ku ntswontswa ka wena ku nga fana ni vhinyo leyo tsokombela leyi rhelelaka khwatsi emilon'weni ni le menweni.

Risimu ra Tinsimu 5:13

Tinhlaya ta yena ti fana ni ntanga wa swinun'hweriso leswi humesaka ku nun'hwela ko tsakisa. Milomo ya yena i swiluva leswi ntontaka mafurha ya mirha.

Risimu ra Tinsimu 4:11

Milomo ya wena yi ntonta vulombe, we murhandziwa; ehansi ka ririmi ra wena ku ni swihlenge ni ntswamba, ku nun'hwela ka swiambalo swa wena ku fana ni ku nun'hwela ka Lebanoni.

Swivuriso 31:26

Ú vulavula swa vutlhari ntsena, a letela van'wana hi moya wa tintswalo.

Swivuriso 10:13

Enon'wini wa la twisisaka, ku huma marito ya vutlhari, kambe la nga ehleketiki swinene, wo fanela hi nkhavi.

Pisalema 119:13

Minkarhi hinkwayo, ndzi lava ku byela van'wana hinkwaswo leswi u swi boheke loko u vulavula.

Pisalema 45:2

Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

Pisalema 37:30

Nomo wa munhu wo lulama wu humesa swa vutlhari, ririmi ra yena ri vulavula leswi lulameke.

Ezra 9:6

ndzi ku: “We Xikwembu xanga, ndzi ni tingana, ndzi chava ni ku tlakusa mahlo ndzi languta eka wena Xikwembu xa mina, hikuva ku homboloka ka hina ku tlula mpimo, ni nandzu wa hina wu dliva tilo.

Tinhlayo 19:6

Muprista ú ta teka tihunyi ta murhi wa kedari ni rhavi ra ximudyana xa hisopa ni ngoti ya muhlovo wo tshwuka, a swi hoxa endzilweni lowu hisaka thokazi.

Tinhlayo 4:8

Kutani va ta funengeta swibya leswi hi nceka wa muhlovo wo tshwuka, va tlhandlekela hi xifunengeto xa madzovo ya timbuti, va tlhoma ni timhandze to rhwala tafula ha tona.

Levhitika 14:6

Kutani muprista ú ta teka xinyanyana lexo hanya, ni ximhandzana xa murhi wa kedari, ni ngoti ya muhlovo wo tshwuka, ni rhavi ra ximudyana xa hisopa, a swi peta engatini ya xinyanyana lexi nga dlayeriwa ematini layo basa.

Levhitika 14:4

muprista ú ta lerisa leswaku munhu loyi a lavaka ku basisiwa, a tiseriwa tinyanyana timbirhi to hanya leti tengeke, ni ximhandzana xa murhi wa kedari, ni ngoti ya muhlovo wo tshwuka, ni rhavi ra ximudyana xa hisopa.

Genesa 32:10

Mina nandza wa wena a ndzi nga fanelanga ku kuma rirhandzu ra wena lero tshembeka, ni tintswalo hinkwato leti u ndzi kombeke tona. Loko ndzi pela nambu lowu wa Yordani, a ndzi khomile nhonga ntsena, kambe sweswi ndzi ni mintlawa mimbirhi.

Risimu ra Tinsimu 1:5

Ndzo va ni ntima ntsena, kambe ndzi sasekile, n'we vanhwanyana va Yerusalema. Ndzi fana ni mintsonga ya Kedara hi ntima, hi ku saseka ndzi fana ni makhetenisi ya yindlu ya Solomoni.