Risimu ra Tinsimu 2:3 - BIBELE Mahungu Lamanene

³ Exikarhi ka majaha, murhandziwa wa mina ú fana ni murhi wa muapula lowu nga swihlahleni. Ndzi tshamile hi ntsako lowukulu endzhutini wa wona, mihandzu ya wona ya ndzi nandzihela.

Xitsonga (Bibele)

³ Kukotisa murhi wa maapula exikarhi ka mirhi ya xihlahla, Swi tano ni murhandziwa wa mina exikarhi ka majaha. Ndzi naverile ku tshamisa ehansi ka ndzhuti wa yena Mbhandzu wa yena wu nandziha emalakeni ya mina.

Risimu ra Tinsimu 2:3 Referans Kwoze

Risimu ra Tinsimu 8:5

I mani loyi a taka hi tlhelo ra le mananga, a vukarhile murhandziwa wa yena? Ndzi ku pfuxile ehansi ka murhi wa muapula, laha mana wa wena a a lumiwa a ri kona enkarhini wa ku velekiwa ka wena, laha loyi a ku kombeke misava a a lumiwa a ri kona.

Esaya 32:2

Varhangeri lava hinkwavo va ta fana ni xivava xo sivela moya, ni ndhawu yo tumbela ka yona sikwini ra xidzedze; va ta fana ni swinambyana swa mati endhawini leyi omeke, ni ndzhuti wa ribye lerikulu etikweni ra mumu.

Esaya 25:4

We HOSI, u khokholo ra swisiwana, vapfumari va tumbela eka wena loko va ri khombyeni, u xisirhelelo xa vona esikwini ra xidzedze, esikwini ra mumu, u ndzhuti wa vona. Vukari bya vanhu va tihanyi byi fana ni xidzedze lexi baka khumbi,

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Ezekiele 47:12

Emagangeni hinkwawo ya nambu hala ni hala, ku ta mila mirhi ya mihandzu yo hambana-hambana, yi va swakudya swa vanhu. Matluka ya mirhi ya kona a ma nga dzudzeki, ni mihandzu ya yona a yi nga kayiveli. N'hweti yin'wana ni yin'wana ku ta vupfa mihandzu leyintshwa, hikuva mati ya nambu lowu ma ta tshama ma ri karhi ma khuluka ma huma eTempeleni. Mihandzu ya kona yi ta va swakudya swa vanhu, matluka ya kona ma ta va murhi wo tshungula lava vabyaka.”

Esaya 4:6

Loko ku hisa ninhlekanhi, vanhu va ta kuma ndzhuti lowu va nga ta wisa eka wona; ni loko ku ta swidzedze ni timpfula, va ta kuma ko tsutsumela kona, va ya tumbela.

Esaya 4:2

Ri ta ta siku leri ximila xa HOSI xi nga ta hluka, xi saseka ni ku dzuneka; Vaisraele lava nga ta va va ponile, va ta tinyungubyisa, va tidzunisa hi leswi swi mileke etikweni.

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

Risimu ra Tinsimu 4:16

We moya wa le n'walungwini, pfuka, na wena moya wa le dzongeni, tana! Hungelani entangeni wa mina, mi hangalasa ku nun'hwela ka wona, leswaku murhandziwa a ta ta entangeni wa yena, a ta dya mihandzu ya wona leyo nandziha.

Risimu ra Tinsimu 2:5

Ndzi laveleni mihandzu ya vhinya leyi omisiweke, mi pfuxa ni matimba ya mina hi maapula, hikuva ndza fa hi rirhandzu.

Pisalema 91:1

Munhu loyi a sirheleriwaka hi HOSI Xikwembu xa le henhla-henhla, loyi a wisaka endzhutini wa Xikwembu lexi nga ni matimba hinkwawo,

Pisalema 89:6

Xana ku na mani le henhla la ringanaka na wena xana? Exikarhi ka swivumbiwa swa le tilweni, i mani la fanaka na wena ke?

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Pisalema 45:2

Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

Vaavanyisi 9:15

Kutani ximudyana xa mitwa xi hlamula mirhi leyin'wana xi ku: ‘Loko hakunene mi ndzi hlawula ku va hosi ya n'wina, tanani mi ta tumbela endzhutini wa mina; kambe loko mi nga ndzi hlawuli hi timbilu ta n'wina hinkwato, ku ta pfurha ndzilo wu huma ka mina, wu herisa ni mirhi ya kedari entshaveni ya Lebanoni.’ ”

Risimu ra Tinsimu 1:16

Murhandziwa, u mpohlo, wo va mbhurhi ya jaha hakunene! Hi ta wisa ebyanyini bya rihlaza.

Risimu ra Tinsimu 4:13

I ntanga lowu milaka mirhi ya magrenada, ni mihandzu hinkwayo leyo nandziha, ku katsa ni swimidyana swa swinun'hweriso swa hena na narda,

Risimu ra Tinsimu 7:13

Marhanga ya rirhandzu ma humesa ku nun'hwela, etinyangweni hinkwato ta hina ku ni mihandzu ya tinxaka-xaka, leyo cindzuka ni leyo vupfa, leyi ndzi yi vekeleke wena, murhandziwa wanga.

Risimu ra Tinsimu 8:11

Solomoni a a ri ni nsimu ya vhinya eBaala-Hamoni, leyi a a yi vekile emavokweni ya varindzi, un'wana ni un'wana wa vona a a fanele ku hakela mihandzu ya kona hi tisilivhere ta 1 000.

Risimu ra Tinsimu 8:12

Wena Solomoni, u nga ha va ni tisilivhere ta 1 000, varindzi va mihandzu vona va kuma 200; loko yi ri leya ka mina nsimu ya vhinya, ndzi ta tihlayisela yona hi ndzexe.

Yuwele 1:12

Murhi wa vhinya wa vuna, nkuwa wu hela matimba; mirhi ya magrenada, ni ya mincindzu, ni ya maapula, hinkwayo ya vuna; ku tsaka a ka ha ri kona exikarhi ka vanhu.

Pisalema 45:3

We nhenha, khweketa fumu ra wena enyongeni, hikuva wa dzuneka naswona wa chaviseka.