Risimu ra Tinsimu 2:1 - BIBELE Mahungu Lamanene

¹ Mina ndzi xiluva xa le Xaroni, ndzi xiluva xa le minkoveni.

Xitsonga (Bibele)

¹ Ndzi xiluva xa le Xaroni, ndzi khon'wa ya mikova.

Risimu ra Tinsimu 2:1 Referans Kwoze

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Hosiya 14:5

Eka vanhu va tiko ra Israele, ndzi ta fana ni mpfula, va ta hluka va fana ni swiluva, va mila timitsu va tiya ku fana ni ntshava ya Lebanoni.

Risimu ra Tinsimu 5:13

Tinhlaya ta yena ti fana ni ntanga wa swinun'hweriso leswi humesaka ku nun'hwela ko tsakisa. Milomo ya yena i swiluva leswi ntontaka mafurha ya mirha.

Risimu ra Tinsimu 6:3

Mina ndzi wa murhandziwa wa mina, na yena i wa mina, yena la riselaka exikarhi ka swiluva.

Pisalema 85:11

Ku tshembeka ku hluka ku huma emisaveni, loko ku lulama ku ri karhi ku rhelela hi le tilweni.

Risimu ra Tinsimu 2:16

Loyi i murhandziwa wa mina, na mina ndzi wa yena; ntlhambi wa yena ú wu risela exikarhi ka swiluva,

1 TIKRONIKA 5:16

A va tshama le Giliyadi, ni le Baxani, ni le mitini ya kona, ni le tikweni hinkwaro ra Xaroni, laha ku nga ni madyelo layo tala ya swifuwo.

Risimu ra Tinsimu 6:2

Murhandziwa wa mina ú rhelele entangeni wa yena, laha ku byariweke swinun'hweriso, a ya risela kona ntlhambi wa yena, ni ku hlengeleta swiluva.

Esaya 33:9

Tiko ri omile, a ra ha ri na nchumu, mirhi ya Lebanoni ya nyumisa, yi vunile; rivala ra Xaroni ri hundzuke rikhwarha, eBaxani ni le Karmele, mirhi a ya ha ri na matluka.