Risimu ra Tinsimu 1:6 - BIBELE Mahungu Lamanene

⁶ Mi nga ndzi monyi leswi ndzi dzwihaleke, ndzi lo hisiwa hi dyambu. Lava nga ndzi fela mona i vamakwerhu va xinuna: Va ndzi endlile murindzi wa masimu ya vhinya, ndzi pfumala nkarhi wo tihlayisela ya mina nsimu.

Xitsonga (Bibele)

⁶ Mi nga ndzi languti, hikuva ndzi wa ntima, Hikuva dyambu ri ndzi hisile; Vana va manana, va ndzi kariherile; Va ndzi endla muhlayisi wa vhinya; Kambe vhinya leyi nga ya mina hi xiviri a ndzi yi rindzanga.

Risimu ra Tinsimu 1:6 Referans Kwoze

Pisalema 69:8

Hambi va ri vamakwerhu, ndzi hundzuke muluveri eka vona, vanhu va ka hina a va ha ndzi tivi.

Ntirho 30:30

Nhlonge ya mina yi tshwile, ya kwamuka, marhambu ya mina ma pandza hi ku hisa.

Vagalatiya 4:29

Naswona, ku fana na leswi, enkarhini wolowo, n'wana wo velekiwa kukota vanhu hinkwavo a nga xanisa n'wana wo velekiwa hi matimba ya Moya, nisweswi swa ha ri tano.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Marka 4:6

Kambe loko dyambu ri tlhava, swimila swi vuna, kutani swi oma hi ku pfumala timitsu.

Matewu 10:25

Swi lulamile loko mudyondzisiwa a nga hundzuka la fanaka ni mudyondzisi wa yena, ni loko nandza a hundzuka la fanaka ni n'wini wa yena. Loko n'wini wa yindlu va n'wi vurile Belzebule, va yindlu ya yena va ta vuriwa swo biha ku tlula sweswo ngopfu.

Matewu 10:22

Mi ta vengiwa hi vanhu hinkwavo hikwalaho ka vito ra mina; kambe loyi a tiyiselaka ku fika makumu, hi yena loyi a nga ta ponisiwa.

Mikiya 7:6

N'wana wa xinuna ú rhuketela tata wa yena, n'wana wa xisati ú lwa na mana wa yena, hlomisa ri lwa na n'wingi wa rona, valala va munhu i va ka vona.

Swirilo 4:8

Kambe namuntlha va hundzukile, va tshwile; munhu a nge va tivi loko o hlangana na vona endleleni; tinyama ta vona ti khanyanile, nhlonge yi khomana ni marhambu, yi omile kukota rihunyi.

Yeremiya 12:6

Ndzi vula hikuva lava va ku kanganyisaka i vamakwenu, i vanhu va ka n'wina, hi vona va ku salaka endzhaku. Hambiloko va ku tsakisa hi marito, u nga tshuki u va tshemba!”

Yeremiya 8:21

Ndzi hela ntamu loko ndzi vona ku vaviseka ka vanhu va ka hina; ndza rila, ndzi khomiwa hi gome.