Risimu ra Tinsimu 1:2 - BIBELE Mahungu Lamanene

² Onge u ngo ndzi ntswontswa, u ndzi ntswontswa hi nomo wa wena, hikuva rirhandzu ra wena ri tlula vhinyo hi ku tsokombela.

Xitsonga (Bibele)

² A a ndzi ntswontswe hi ku ntswontswa ka nomu wa yena! Hikuva rirhandzu ra wena ri nandziha ku tlula vhinyo.

Risimu ra Tinsimu 1:2 Referans Kwoze

Risimu ra Tinsimu 4:10

Rirhandzu ra wena, a hi ku tsokombela ka rona murhandziwa, we nhwana wanga, vhinyo a yi fiki eka rirhandzu ra wena hi ku tsokombela, ku nun'hwela ka mafurha lawa u ma tolaka ku tlula swinun'hweriso hinkwaswo.

Risimu ra Tinsimu 1:4

Hatlisa u ndzi koka, hi tsutsuma swin'we. Ndzi nghenise endlwini ya wena, we hosi yanga. Hi ta ku dzunisa, hi ku tsakela; hi ta tlangela rirhandzu ra wena, leri tsokombelaka ku tlula vhinyo. Kunene swa fanela leswaku vanhwana va ku rhandza.

Pisalema 36:7

We Xikwembu, rirhandzu ra wena lero tshembeka ri tsakisa ngopfu, vanhu hinkwavo va tumbela ehansi ka timpapa ta wena.

Luka 15:20

Kutani a pfuka, a ya eka tata wa yena. “Loko a ha ri kule, tata wa yena a n'wi vona, a n'wi twela vusiwana; kutani a tsutsuma, a ya n'wi vukarha, a n'wi ntswontswa.

Matewu 26:26

Loko va ha ri eku dyeni, Yesu a teka xinkwa, kutani loko a nkhensile, a xi phema, a nyika vadyondzisiwa, a ku: “Tekani mi dya, leswi i miri wa mina.”

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Risimu ra Tinsimu 7:12

Hi ta vindzuka, hi ya emasin'wini ya vhinya, hi ya vona loko vhinya yi hlukile, ni loko yi sungule ku tswala, ni loko mirhi ya magrenada yi balekile swiluva. Kona kwale, ndzi ta ku nyika rirhandzu ra mina.

Risimu ra Tinsimu 7:9

Onge ku ntswontswa ka wena ku nga fana ni vhinyo leyo tsokombela leyi rhelelaka khwatsi emilon'weni ni le menweni.

Risimu ra Tinsimu 2:4

Ú ndzi tisile endlwini ya nkhuvo, mujeko wa yena ehenhla ka mina i rirhandzu.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Timhaka 21:7

Loko hi ri hina hi ya emahlweni ni riendzo ra hina; hi suka eTiri, hi ya fika ePitolemayi, laha hi pfuxelaneke na vamakwerhu kona, hi xwa siku rin'we na vona.

Risimu ra Tinsimu 7:6

U xongile, u tlhela u tsakisa, wena murhandziwa, xitsakisi!

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

1 Petro 5:14

Xewetanani hi ku ntswontswana, hi rirhandzu ra vukwavo. Ku rhula a ku ve eka n'wina hinkwenu va ka Kriste.

Genesa 45:15

Yosefa a ntswontswa vamakwavo hinkwavo, a va vukarha a ri karhi a rila. Endzhaku ka swona, vamakwavo va vulavula na yena.

Genesa 29:11

Kutani Yakobo a ntswontswa Rahele, a tlhela a rila swinene.