Risimu ra Tinsimu 1:17 - BIBELE Mahungu Lamanene

¹⁷ Timhandze ta yindlu ya hina ti ta va mirhi ya kedari, timbalelo ta kona ti ta va mirhi ya kipresi.

Xitsonga (Bibele)

¹⁷ Xivava xa yindlu ya hina i xa kedari; Kutani timbalelo ta hina i ta kipresi.

Risimu ra Tinsimu 1:17 Referans Kwoze

Vaheveru 11:10

Mhaka hileswaku a a langutela muti lowu nga ni masungulo lamanene, lowu muaki ni muendli wa wona xi nga Xikwembu.

Pisalema 92:12

Lavo lulama va ta mila kukota ncindzu, va ta kula ku fana ni murhi wa kedari wa le Lebanoni.

Ezekiele 42:3

Hi tlhelo rin'we, muako wa kona a wu langutana ni rivala ra 10 m ra le ndzhaku ka Tempele, hi tlhelo lerin'wana a wu langutana ni maribye ya swiphepherhele, exivaveni xa le handle ka Tempele; a wu ri ni tinxaxa ta timhandze leti endlaka swithezi swinharhu.

Ezekiele 41:16

Makhumbi ya kona a ma pfariwile hi mapulangi, ku pfariwile ni marimba ya mafasitere, ku vonaka ni tinxaxa tinharhu ta timhandze endzeni ka Tempele; khumbi ra Tempele a ri pfariwile matlhelo hinkwawo hi mapulangi ya murhi wa sefiri ku sukela ehansi ku ya fika emafasitereni; na wona mafasitere ya kona a ma sirheleriwile hi swipulangana.

Risimu ra Tinsimu 8:9

Loko o va khumbi, a hi ta aka xihondzo xa silivhere ehenhla ka yena, loko o va rivanti, a hi ta n'wi sirhelela hi mapulangi ya kedari.

Risimu ra Tinsimu 7:5

Nhloko ya wena yi fana ni ntshava ya Karmele, misisi ya wena yona yi vangama kukota xivunguvungu; hambi yi ri hosi yi nga phasiwa hi ku saseka ka yona.

1 TIHOSI 6:9

Solomoni a akisa sweswo makhumbi ya Tempele a ma heta. Kutani a pfala lwangu ra yona hi le ndzeni hi timhandze ni mapulangi ya murhi wa kedari, swi endla mikhandlunyana.

1 TIHOSI 6:10

A yimisa vuako bya swithezi lebyi rhendzelaka yindlu hinkwayo ya Tempele. Xithezi xin'wana ni xin'wana a xi lehile 2,50 m ku ya ehenhla, xi khomanisiwile ni yindlu hi timhandze ta murhi wa kedari.

2 TIKRONIKA 3:5

Kutani a pfala makhumbi ya le ndzeni ka xivandla lexo hlawuleka ngopfu hi mapulangi ya murhi wa kipresi, mapulangi lawa a tlhela a ma nameka nsuku, a ma khavisa hi swifaniso swa mirhi ya mincindzu ni swa tinketani letitsongo.

Yeremiya 22:14

Ú ni khombo munhu loyi a vulaka a ku: “Ndzi ta tiakela yindlu leyo saseka ya swithezi, leyi nga ni makamari lamakulu!” Kutani a yi aka yi ri ni mafasitere, a pfala makhumbi hi le ndzeni hi mapulangi ya murhi wa kedari, a yi sasekisa hi pende leyo tshwuka.