Risimu ra Tinsimu 1:12 - BIBELE Mahungu Lamanene

¹² Loko n'wini wanga a ha wisile exitshan'wini, ku nun'hwela ka mafurha lawa ndzi ma toleke, ko nkhúléè!

Xitsonga (Bibele)

¹² Kakuloko hosi ya ha tshamise etafuleni ra yona, Narda ya mina yi ri karhi yi humesa ku nun'hwela ka yona.

Risimu ra Tinsimu 1:12 Referans Kwoze

Yohane 12:3

Hiloko Mariya a teka xikhudza xa mafurha layo nun'hwela yo durha ngopfu lama endliweke hi murhi wa narda leyinene, a tota milenge ya Yesu, kutani a n'wi sula milenge hi misisi ya yena, yindlu hinkwayo yi tala hi ku nun'hwela ka mafurha ya kona.

Nhlavutelo 3:20

Vona, ndzi yimile enyangweni, ndza gongondza. Loko un'wana a twa rito ra mina a pfalula nyangwa, ndzi ta nghena endlwini ya yena ndzi dya na yena, na yena ú ta dya na mina.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Marka 14:3

Yesu a a ri eBetaniya, emutini wa Simoni lowa nhlokonho; loko a tshamile eswakudyeni, ku ta wansati la nga ni ximbitana xa ribye ro basa lexi teleke hi mafurha layo nun'hwela yo durha ngopfu, lama endliweke hi murhi wa narda leyinene. Hiloko wansati loyi a faya ximbitana, a chela mafurha enhlokweni ya Yesu.

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

Matewu 22:11

“Kuteloko hosi yi nghenile ku ta languta lava tshamiseke eswakudyeni, yi vona munhu la nga ambalangiki xiambalo xa nkhuvo;

Matewu 22:4

Yi engeta yi rhuma malandza man'wana, yi ku: ‘Tivisani lava rhambiweke, mi ku: Maswivo, ndzi lunghisile swakudya swa mina; tihavi ta mina ni swifuwo swo nona swa mina swi tlhaviwile; swilo hinkwaswo swi lunghisiwile, tanani enkhubyeni.’

Risimu ra Tinsimu 7:5

Nhloko ya wena yi fana ni ntshava ya Karmele, misisi ya wena yona yi vangama kukota xivunguvungu; hambi yi ri hosi yi nga phasiwa hi ku saseka ka yona.

Pisalema 45:1

Mbilu ya mina yi tala hi marito yo saseka swinene, kutani ndzi suma risimu ro dzunisa mufumi wa tiko; ririmi ra mina ri rhetela ku fana ni voko ra mutsari la tivaka ntirho wa yena.

Risimu ra Tinsimu 1:11

Hi ta ku endlela nketani ya nsuku, hi yi sasekisa hi silivhere.