Rhuti 4:4 - BIBELE Mahungu Lamanene

⁴ Kutani ke mina ndzi anakanyile ku ku luma ndleve hi mhaka leyi ni ku ku tsundzuxa ku amukela ndzima leyi emahlweni ka lava tshamiseke la, ni le mahlweni ka vakulukumba lava va ka hina. Loko u lava ku hlayisa ndzhaka leyi ya wena, yi hlayise; kambe loko u nga swi lavi, ndzi byele leswaku ndzi swi tiva, hikuva mudyandzhaka lonkulu hi wena, mina ndza ku landzela.” Wanuna loyi a hlamula a ku: “Ndzi ta yi hlayisa ndzhaka leyi.”

Xitsonga (Bibele)

⁴ Kutani ndzi anakanyile ku ku tivisa, ndzi ku: ‘Yi xave emahlweni ka lava tshamaka kona, ni le emahlweni ka vakulukumba va tiko ra mina, loko u rhandza ku yi xava, u va mudyandzhaka, yi xave. Kambe loko u nga rhandzi ku xava, ndzi tivise, leswaku ndzi swi tiva. Hikuva a ku na munhu la swi kotaka ku yi sava, a ri mudyandzhaka, loko a nga ri wena, kambe mina ndza ku landza.’ ”

Rhuti 4:4 Referans Kwoze

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

2 Vakorinto 8:21

Hi navela ku endla leswi sasekeke ku nga ri emahlweni ka Hosi ntsena, kambe ni le mahlweni ka vanhu.

Varhoma 12:17

Mi nga rihiseli swo biha hi leswo biha, ni ka munhu ni un'we. Ringetani ku endla leswi vanhu hinkwavo va swi vonaka swi ri leswo saseka.

Yeremiya 32:25

Hambiswiritano we HOSI N'wini wanga, wa ndzi byela ku humesa mali ndzi xava nsimu, ndzi tilavela ni timbhoni, kasi Vakalediya hi lava, va le kusuhi ni ku teka muti lowu!’ ”

Genesa 23:18

swi nyikiwa Abrahama emahlweni ka Vahiti hinkwavo lava a va ri enyangweni ya muti, leswaku swi ta va swa yena.

Genesa 23:11

“E-e, n'wini wanga, yingisa ndzi ku byela; mina ndzi ku nyika nsimu, ku katsa ni bako leri nga ka yona; ndzi ku nyika yona emahlweni ka vanhu va ka hina; yana u ya lahla mufi wa wena kona.”

Duteronoma 25:8

Kutani vakulukumba va muti va ta n'wi vitana, va vulavula na yena. Loko a ya emahlweni a ala, a ku: ‘A ndzi swi lavi ku teka wansati loyi,’

Rhuti 2:20

“HOSI a yi n'wi katekise munhu loyi”, ku vula Nahumi, “hikuva ú komba ku tshembeka eka lava hanyaka ni ka lava feke.” Nahumi a engeta a ku: “Hi van'we ni wanuna loyi, naswona i un'we wa vadyandzhaka endyangwini lowu.”

Rhuti 3:9

“Hi wena mani?” ku vutisa Bowazi. “Hi mina nandza wa wena Rhuti”, ku hlamula loyi wansati, “ndzi tiveka emavokweni ya wena, hikuva wena u mudyandzhaka evukatini bya mina.”

Rhuti 3:12

Mina ndzi un'wana wa vadyandzhaka va le vukatini bya wena, sweswo i ntiyiso; kambe ku ni un'wana wa xaka ra hina la ndzi rhangelaka.