Rhuti 4:10 - BIBELE Mahungu Lamanene

¹⁰ Loko a ri yena Rhuti wa le Mowabu, nkata sirha Mahaloni, ndzi n'wi amukela a va nsati wa mina. Ndzi endlela ku pfuxa xivongo xa mufi, xi hundzela ni le ka vatukulu va yena. Xivongo lexi a xi faneli ku fa eka varikwavo, hambi ku ri ehubyeni ya muti wa ka vona. Mi timbhoni ta mina namuntlha emhakeni leyi.”

Xitsonga (Bibele)

¹⁰ Ndzi xavile na Rhuti wa Mowabu, nsati wa Mahaloni, leswaku ndzi hlayisa rixaka ra loyi a feke, ri nga tshuki ri lova exikarhi ka vamakwavo, ni le hubyeni ya rikwavo. Mi timbhoni namuntlha.”

Rhuti 4:10 Referans Kwoze

Duteronoma 25:6

Kutani n'wana wo sungula wa xinuna loyi wansati loyi a nga ta n'wi veleka, hi yena la nga ta kuma ndzhaka ya mufi, leswaku vito ra mufi ri nga nyamalali exikarhi ka Vaisraele.

Vaefesa 5:25

N'wina vavanuna, rhandzani vasati va n'wina kukota leswi Kriste na yena a nga rhandza Kereke, kutani ú nyiketile vutomi bya yena hikwalaho ka yona.

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

Malakiya 2:14

Kutani n'wina mi vutisa mi ku: “Hikwalaho ka yini HOSI Xikwembu xi nga ha swi amukeli xana?” Nhlamulo hi leyi: Hi leswi HOSI Xikwembu xi nga va mbhoni exikarhi ka wena ni nsati loyi u n'wi tekeke wa ha ri jaha. Wena a wu tshembekanga eka yena, hambileswi a a ri nsati wa wena wa xitekwa, loyi a wu tihlawulerile yena.

Zakariya 13:2

HOSI Xikwembu xi vurisa sweswo xi ri: “Hi siku rero, ndzi ta susa mavito ya swikwembu swa hava etikweni, leswaku swi nga ha tsundzukiwi. Naswona ndzi ta hlongola lava tivulaka vaprofeta, va suka laha tikweni ni mimoya ya vona ya thyaka.

Hosiya 12:12

Yakobo ú balekerile etikweni ra Aramu, kona kwale ú tirherile ku kuma nsati; ku kuma nsati, a a fanele ku risa tinyimpfu.

Hosiya 3:2

Hiloko ndzi ya n'wi kutsula hi mali ya tisilivhere ta 15 ni masaka ya 15 ya mavele ya maxalana.

Esaya 48:19

Vana va n'wina a va ta va va tele kukota sava, hambi va ri vatukulu va n'wina, a va ta fana ni swiribyana swa sava hi ku tala; a swi nga ta endleka ni siku ni rin'we leswaku va herisiwa, ku sala ku pfumala na un'we loyi ndzi nga ta va tsundzuka ha yena.”

Swivuriso 19:14

Muti ni rifuwo i ndzhaka leyi munhu a siyeriwaka yona hi vatswari va yena, kasi nsati wa miehleketo, i nyiko yo huma eka HOSI Xikwembu.

Swivuriso 18:22

Ku kuma nsati, i nkateko, i ku tsakeriwa hi HOSI Xikwembu.

Pisalema 109:15

Swidyoho leswi a swi tshame emahlweni ka HOSI Xikwembu, swi nga suki, kambe Xikwembu a xi suse xivongo xa ka vona emisaveni!

Pisalema 34:16

kambe xi lwa ni lava endlaka leswo biha, xi va herisa leswaku va nga ha tsundzukiwi laha misaveni.

Yoxuwa 7:9

Vakanana ni vaaki hinkwavo va tiko va ta yi twa mhaka leyi, kutani va ta hi hlasela va hi herisela makumu; kutani xana wena u ta endla yini hi vito ra wena lerikulu xana?”

Genesa 29:27

Wena yima ku hela vhiki leri ra nkhuvo wa loyi, kutani hi ta ku nyika lontsongo, kambe na yena u ta n'wi tirhela malembe ya 7.”

Rhuti 4:9

Kutani Bowazi a tiboha emahlweni ka vakulukumba ni vanhu hinkwavo, a ku: “Namuntlha mi timbhoni ta leswaku ndzi amukerile emavokweni ya Nahumi hinkwaswo leswi a swi ri swa Elimeleke, ku katsa ni hinkwaswo swa Kiliyoni na Mahaloni.

Genesa 38:9

Kambe Onani a a swi tiva leswaku vana va kona a va nga vi va yena; hikokwalaho, loko a ya tivana ni nsati wa makwavo, a a halatela ehansi, hi ku chava leswaku a nga ta n'wi kumisa vana lava nga ta ka va nga ri va yena.