Rhuti 3:7 - BIBELE Mahungu Lamanene

⁷ Loko Bowazi a hetile ku dya ni ku nwa, a titwa a tsakile, kutani a ya etlela etlhelo ka nhulu ya minchocho. Kutani Rhuti a ta khwatsi, a funungula nkumba emilengeni ya Bowazi, kutani a etlela.

Xitsonga (Bibele)

⁷ Kutani Bowazi a dya a nwa, a tsaka a ya tilata emakun'wini ya tinhulu. Kutani Rhuti a ta khwatsi, a funungula milenge ya yena, a tilata kona.

Rhuti 3:7 Referans Kwoze

Estere 1:10

Hi siku ra vu-7, loko hosi yi tsakile hi vhinyo, yi vitana Mehumani, na Bizita, na Harabona, na Bigita, na Abagita, na Zetara, na Karakasi, va nga vatsheniwa va 7 lava tirhelaka hosi etindlwini ta yona,

Vaavanyisi 19:6

Kutani vavanuna lavambirhi va tshama swin'we, va dya ni ku nwa; hiloko tata wa nsati a ku ka Mulevhi: “Ndzi kombela leswaku u tlhela u xwa, u dya u tsaka.”

2 SAMIELE 13:28

Kutani a lerisa malandza ya yena, a ku: “Mi xiya loko Aminoni a pyopyiwile hi vhinyo, kutani loko ndzi ku ka n'wina: ‘Tlhavani Aminoni!’, mi n'wi dlaya. Mi nga chavi, hikuva hi mina ndzi mi lerisaka. Kanyani timbilu, mi komba vunhenha bya n'wina.”

Vaavanyisi 19:9

Kuteloko Mulevhi ni nsati wa yena ni nandza wa yena va ri karhi va longa leswaku va ta famba, tata wa nsati a ku ka Mulevhi: “Vona, dyambu ri ya eku peleni. Ndzi kombela leswaku mi xwa kwala, wena u dya u tsaka; kutani mundzuku mi ta pfuka ka ha ri mpundzu, mi khoma riendzo ra n'wina mi muka ekaya.”

Eklesiasta 10:19

Swakudya swa nandziha, ni vhinyo yi tsakisa mbilu, kambe hinkwaswo swi kumiwa hi mali!

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Eklesiasta 8:15

Hikokwalaho mina ndzi ri, swi sasekile loko vanhu va kuma ku tsaka va ha hanya emisaveni; va nge nyikiwi nkateko wo tlula wa ku dya ni ku nwa va tiphina, hikuva hi swona leswi swi nga ta va wisisa eku tikarhateni ka vona, emasikwini ya ku hanya ka vona laha misaveni, lawa Xikwembu xi va nyikeke wona.

Eklesiasta 2:24

Loko munhu a kota ku dya ni ku nwa, ni loko a vona leswo tsakisa entirhweni wa yena, a hi minkateko leyi a tikumeleke yona hi yexe, e-e. Hi ku twisisa ka mina, swilo leswi i tinyiko leti humaka eka Xikwembu.

Pisalema 104:15

yi nga vhinyo leyi tsakisaka timbilu ta vona, ni mafurha ya ku tola exikandzeni, ni vuswa lebyi tiyisaka miri wa vona.

1 Vakorinto 10:31

Nhlamulo hi leyi: Hambi ma dya, hambi ma nwa, hambi mi endla yini na yini, endlani hinkwaswo ku dzunisa Xikwembu.

1 TIHOSI 21:7

Nkosikazi Yezabele a hlamula a ku: “Xana hi wena hosi ya Vaisraele hakunene, xana? Pfuka u dya, u horisa mbilu ya wena, hikuva nsimu ya Naboto wa le Yizriele, mina ndzi ta ku nyika yona.”

Vaavanyisi 19:22

Loko va ri karhi va tidyela va tsakile, ko ta ku ta humelela vavanuna va muti, vanhu va nsele swinene, va rhendzela yindlu, va sungula ku himetela rivanti, va ri karhi va huwelela mukhalabye lowa n'wini wa muti, va ku: “Hi humesele wanuna loyi a nga nghena laha mutini wa wena, hi lava ku ya etlela na yena.”

Vaavanyisi 16:25

Loko va pyopyiwile, va ku: “Vitanani Samsoni, a ta tlanga emahlweni ka hina.” Hiloko va ya teka Samsoni ekhotsweni, a fika a tlanga emahlweni ka vona, kutani va n'wi yimisa exikarhi ka tiphuphu.

Genesa 43:34

Nyama leyi a va phameriwa yona, a yi huma etafuleni ra Yosefa, kutani Benjamini a nyikiwa yo tlula ya lavan'wana kantlhanu. Kutani va nwa vhinyo na Yosefa va tixurhela.

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Rhuti 3:6

Kutani Rhuti a rhelela a ya exivuyeni, a endla hinkwaswo hilaha n'wingi wa yena a n'wi leriseke hakona.

Rhuti 3:8

Exikarhi ka vusiku, wanuna loyi a pfuka hi ku twa xirhami, a korhama ku ambamba nkumba, kutani a hlamula ku kuma wansati loyi a etleleke hi le milengeni ya yena.