Rhuti 3:12 - BIBELE Mahungu Lamanene

¹² Mina ndzi un'wana wa vadyandzhaka va le vukatini bya wena, sweswo i ntiyiso; kambe ku ni un'wana wa xaka ra hina la ndzi rhangelaka.

Xitsonga (Bibele)

¹² Kambe, kunene, ndzi un'wana wa vadyi va ndzhaka, ntsena, u kona mudyandzhaka la ndzi tlulaka.

Rhuti 3:12 Referans Kwoze

Rhuti 4:1

Bowazi a tlhandlukela ehubyeni ya muti, a fika a tshamisa kona. Endzhaku ka nkarhinyana ko ta fika mudyandzhaka, yena loyi Bowazi a a vulavurile hi yena. Bowazi a n'wi vitana a ku: “Ndzi na wena tatana, hambukela haleno, u ta tshamisa na mina.” Munhu loyi a hambuka a ya tshamisa na Bowazi.

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Matewu 7:12

Hikokwalaho hinkwaswo leswi mi lavaka leswaku vanhu va mi endla swona, va endleni swona na n'wina, hikuva hi swona leswi dyondzisiwaka hi Nawu ni Vaprofeta.

Rhuti 3:11

Sweswi n'wananga, rhula mbilu, ndzi ta ku endlela hinkwaswo leswi u swi kombelaka, hikuva u wansati wo xiximeka, hilaha vaaki hinkwavo va muti wa ka hina va swi tivaka hakona.

Rhuti 3:13

Wisa kwala vusiku lebyi, kutani nimixo loko munhu loyi a nkhensa ku ku hlayisa hi mukhuva wa ndzhaka, swi ta va swi sasekile, a a ku hlayise. Kambe loko a nga swi tsakeli, ndzi tiyisa emahlweni ka Xikwembu lexi hanyaka leswaku mina ndzi ta ku hlayisa. Sweswi, etlela ri ko ri xa.”

Rhuti 2:20

“HOSI a yi n'wi katekise munhu loyi”, ku vula Nahumi, “hikuva ú komba ku tshembeka eka lava hanyaka ni ka lava feke.” Nahumi a engeta a ku: “Hi van'we ni wanuna loyi, naswona i un'we wa vadyandzhaka endyangwini lowu.”

Rhuti 4:4

Kutani ke mina ndzi anakanyile ku ku luma ndleve hi mhaka leyi ni ku ku tsundzuxa ku amukela ndzima leyi emahlweni ka lava tshamiseke la, ni le mahlweni ka vakulukumba lava va ka hina. Loko u lava ku hlayisa ndzhaka leyi ya wena, yi hlayise; kambe loko u nga swi lavi, ndzi byele leswaku ndzi swi tiva, hikuva mudyandzhaka lonkulu hi wena, mina ndza ku landzela.” Wanuna loyi a hlamula a ku: “Ndzi ta yi hlayisa ndzhaka leyi.”