Rhuti 2:13 - BIBELE Mahungu Lamanene

¹³ “Hakunene n'wini wanga”, ku hlamula Rhuti, “u ndzi kombile tintswalo letikulu ni ku ntshunxa moya wa mina; naswona u vulavurile khwatsi na mina nandza wa wena, hambileswi ndzi nga riki un'wana wa malandza ya wena ya xisati.”

Xitsonga (Bibele)

¹³ Kutani a ku eka yena: “Hosi yanga! Ndzi kumile tintswalo emahlweni ka wena, hikuva u ndzi chavelele, u ndzi byerile hilaha mbilu ya mina yi rhandzaka hakona, hambi ndzi nga fani ni un'wana wa malandza ya wena.”

Rhuti 2:13 Referans Kwoze

1 SAMIELE 1:18

Kutani Hana a ku: “Ndzi nandza wa wena, u nga karhali ku ndzi komba tintswalo!” Kutani a ya a ya dya swakudya, swi vonaka leswaku mbilu ya yena yi rhelerile.

Genesa 34:3

Kambe Dina N'wa-Yakobo a yiva mbilu ya Xikeme, hiloko Xikeme a sungula ku rhandza Dina, a vulavula na yena kahle.

Genesa 33:8

Kutani Esawu a ku: “Xana ntlawa wa wena lowu ndzi hlanganeke na wona i wa ku endla yini xana?” Yakobo a ku: “I wa ku endla leswaku wena n'wini wanga u ndzi amukela.”

Vafilipiya 2:3

Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

2 SAMIELE 16:4

Hiloko hosi Davhida a ku ka Siba: “Yingisa! Hinkwaswo leswi a swi ri swa Mefiboxete, sweswi i swa wena.” Siba a ku: “Inkomu! Ku dya k'engeta! U nga ndzi cukumeti, we hosi n'wini wanga.”

1 SAMIELE 25:41

Abigayele a suka a yima, kutani a korhama mombo wa yena wu ko wu khumba ehansi, a ku: “Hiswona, ndzi nandza wa Davhida, ndzi tiyimisele ni ku mi hlambisa milenge, n'wina malandza ya yena.”

Genesa 43:14

Xikwembu-xa-matimba-hinkwawo a xi endle leswaku munhu loyi a mi tsetselela, a mi pfumelela ku vuya na makwenu lowun'wana, na Benjamini, kambe loko va lava ku ndzi dlayela vana, a va va dlaye!”

Genesa 33:15

Kutani Esawu aku: “Yima ndzi ku siyela van'wana va vavanuna lava ndzi nga na vona.” Kambe Yakobo a ku: “E-e, n'wini wanga, u nga kali u tikarhata! Mina ndzo nkhensa ntsena leswi u ndzi amukeleke, we n'wini wanga.”

Genesa 33:10

Yakobo a ku: “E-e, loko u ndzi amukela hakunene, ndzi kombela leswaku u teka tinyiko leti ndzi ku nyikaka tona. Leswi ndzi voneke mombo wa wena, swi fana ni loko ndzi vonile mombo wa Xikwembu, hikuva u ndzi amukerile hi malwandla.

Swivuriso 15:33

Loko u chava HOSI Xikwembu, u le ku dyondzeni ka vutlhari; rhanga hi ku titsongahata, hi kona u nga ta dzunisiwa.

Vaavanyisi 19:3

Kutani nuna wa yena a suka a n'wi landza, leswaku a ta n'wi khongotela a vuya na yena. Mulevhi loyi ú fambile ni nandza wa yena ni timbhongolo timbirhi. Loko a fika evukon'wanini, tata wa nsati a n'wi vona a ri karhi a ta, kutani a ya n'wi hlanganisa a tsakile.

Rhuti 2:12

HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”

Rhuti 2:14

Hi nkarhi wo dya, Bowazi a ku ka Rhuti: “Tana haleno, u phema na mina, u xeva hi murhu lowu.” Kavaloko Rhuti a tshama etlhelo ka vatshoveri, kutani Bowazi a n'wi nusela tindzhoho leti oxiweke. Rhuti a dya a xurha, a tlhela a siya.

Genesa 32:6

Kutani varhumiwa va tlhelela eka Yakobo va fika va ku ka yena: “Hi fikile eka Esawu makwenu, kutani yena ni vavanuna va 400 va karhi va ta va ta ku hlanganisa.”

Hosiya 2:16

“Mina HOSI ndza ku byela ndzi ri: Hi siku rero, u ta ndzi vula ‘Nuna wa mina’, u nga ka u nga ha ndzi vuli ‘Baali wa mina’.