Rhuti 2:12 - BIBELE Mahungu Lamanene

¹² HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”

Xitsonga (Bibele)

¹² Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Rhuti 2:12 Referans Kwoze

Pisalema 36:7

We Xikwembu, rirhandzu ra wena lero tshembeka ri tsakisa ngopfu, vanhu hinkwavo va tumbela ehansi ka timpapa ta wena.

Pisalema 91:4

Xi ta ku hlayisa xi ku funengeta ku fana ni huku leyi fukamelaka swiciwana swa yona, ku tshembeka ka xona ku ta ku sirhelela kukota xitlhangu.

Pisalema 63:7

Hakunene mupfuni wa mina hi wena, kutani ndzi yimbelela ndzi tsakile ehansi ka timpapa ta wena.

Pisalema 17:8

Ndzi hlayise tanihi ndzololo ya tihlo ra wena, ndzi tumbete endzhutini wa timpapa ta wena,

Pisalema 61:4

Ndzi navela ku tshama endlwini ya wena hilaha ku nga heriki, ndzi tumbela ehansi ka timpapa ta wena.

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Vaheveru 11:26

Ú ehleketile leswaku ku rhuketeriwa hikwalaho ka Mesiya i rifuwo leri tlulaka vukosi hinkwabyo bya Egipta, hikuva a a langutela hakelo leya ha taka.

1 SAMIELE 24:19

Xana munhu loko a kumile nala wa yena, a nga n'wi tshika a famba hi ku rhula xana? Mawaku loko HOSI Xikwembu xi nga ku katekisa, hikwalaho ka leswinene leswi u ndzi endleleke swona namuntlha.

Rhuti 1:16

“U nga ndzi sindzisi ku ku tshika empfhukeni kumbe ku ku fularhela”, ku hlamula Rhuti. “Laha u yaka kona, ndzi ta ya kona na mina. Lomu u nga ta tshama kona, ndzi ta tshama kona na mina. Rixaka ra wena ri ta va rixaka ra mina, naswona Xikwembu xa wena xi ta va Xikwembu xa mina.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Vaheveru 11:6

kutani ehandle ka ku pfumela a swi endleki ku tsakisa Xikwembu. Un'wana ni un'wana loyi a lavaka ku tshinelela Xikwembu ú fanele ku pfumela leswaku xi kona, ni leswaku xi hakela lava va xi lavaka.

Luka 6:35

Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Matewu 5:12

Tsakani, mi tsakisisa, hikuva hakelo ya n'wina i yikulu ematilweni; naswona va xanisise sweswo vaprofeta lava a va ri kona, n'wina mi nga si va kona.”

2 Timotiya 4:8

Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

2 Timotiya 1:18

Ingi Hosi yi nga endla leswaku a kuma ku tsetseleriwa emahlweni ka yona hi siku lerikulu. Na wena u tiva swinene mintirho leyi a yi endleke le Efesa.

Matewu 6:1

“Tivoneleni leswaku mi nga endli tifanelo ta n'wina ta vukhongeri emahlweni ka vanhu ku endlela ku voniwa hi vona; loko mi endlisa sweswo, a mi nga yi kumi hakelo eka Tata wa n'wina la nge matilweni.

Swivuriso 23:18

kutani u ta vona swa nkarhi lowu taka, ku tshemba ka wena ku nge heleli empfhukeni.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”

Pisalema 19:11

Hi swona leswi swi ndzi tsundzuxaka, mina nandza wa wena; ku hlayisa swona swa ndzi vuyerisa swinene.

Vakolosa 2:18

Munhu a nga tshuki a mi tekela hakelo ya n'wina, hi ku tsakela swo tilondla-londla ni ku gandzela tintsumi, a ri karhi a pfumela ngopfu swa milorho ya yena, a tikurisa hi swa hava, hi miehleketo ya yena ya swa nyama;

Rhuti 2:11

Bowazi a hlamula a ku: “Ndzi byeriwile hinkwaswo leswi u nga swi endla ku pfuna n'wingi wa wena, ku sukela loko nuna wa wena a file. Va ndzi byele hilaha u sukeke hakona eka tata wa wena ni mana wa wena, ni ka tiko leri u nga velekiwa eka rona, ku ta tshama ni vanhu lava u nga va tiviki nikutsongo.

Rhuti 2:13

“Hakunene n'wini wanga”, ku hlamula Rhuti, “u ndzi kombile tintswalo letikulu ni ku ntshunxa moya wa mina; naswona u vulavurile khwatsi na mina nandza wa wena, hambileswi ndzi nga riki un'wana wa malandza ya wena ya xisati.”

Rhuti 4:15

Ú ta ku antswisela vutomi ni ku va nxongotelo wa wena loko u dyuharile. Naswona muveleki wa n'wana loyi i n'wingi wa wena loyi u n'wi rhandzaka, loyi eka wena a tlulaka majaha ya 7.”

Yeremiya 31:16

HOSI Xikwembu xi engeta xi ku: “Miyela, u nga rili, tshika ku halata mihloti, hikuva mintirho ya wena yi ta kuma hakelo; ndzi vula sweswo mina HOSI. Vana va wena lava yisiweke etikweni ra valala, va ta vuya!

1 SAMIELE 24:20

Sweswi ndza swi tiva leswaku hakunene u ta va hosi, ni leswaku, emavokweni ya wena, mfumo wa tiko ra Israele wu ta tiya wu ya emahlweni.