Rhuti 2:10 - BIBELE Mahungu Lamanene

¹⁰ Kutani Rhuti a wela ehansi hi mombo, a titsongahata emahlweni ka Bowazi, a ku: “Swi endlekise ku yini leswaku u ndzi komba tintswalo leto tano, hi ku ndzi amukela ke, kasi ndzi wa rixaka rimbe!”

Xitsonga (Bibele)

¹⁰ Kavaloko a wa ehansi hi mombo wa yena, a khinsama, a ku eka yena: “Ndzi kumise ku yini tintswalo emahlweni ya wena xana, leswaku u ndzi tiva, mina ndzi nga wamatiko?”

Rhuti 2:10 Referans Kwoze

1 SAMIELE 25:23

Loko Abigayele a vona Davhida, a hatla a xika embhongolweni, a wa hi mombo emahlweni ka Davhida, a korhamela ehansi

Rhuti 2:13

“Hakunene n'wini wanga”, ku hlamula Rhuti, “u ndzi kombile tintswalo letikulu ni ku ntshunxa moya wa mina; naswona u vulavurile khwatsi na mina nandza wa wena, hambileswi ndzi nga riki un'wana wa malandza ya wena ya xisati.”

Varhoma 12:10

Tolovelanani, mi rhandzana tanihi vamakwavo, mi tlula van'wana hi ku kombana xichavo.

Luka 1:48

hikuva ú langutile vusiwana bya mina nandza wa yena, kutani ku sukela sweswi, vanhu va minkarhi hinkwayo va ta ku, ndzi katekile.

Luka 1:43

Swi endlise ku yini leswaku mana wa Hosi yanga a ta eka mina xana?

2 SAMIELE 19:28

Naswona, hinkwavo va ndyangu wa kokwa wa mina a va fanele hi ku dlayiwa emahlweni ka wena, we hosi n'wini wanga; kambe mina nandza wa wena, u ndzi vekile exikarhi ka lava dyaka swakudya na wena entsindza. Hikokwalaho, xana ku nga ha va ni lexi ndzi nga vilelaka ha xona eka wena, xana?”

2 SAMIELE 9:8

Mefiboxete a tlhela a nkhinsama, a ku: “Xana ndzo va yini, leswi u tikarhatelaka mbyana leyi feke yo fana na mina, xana?”

Matewu 25:35

hikuva a ndzi ri ni ndlala, kutani mi ndzi fihlutile; a ndzi ri ni torha, mi ndzi siyele ndzi nwa; a ndzi ri muendzi, mi ndzi rhurherile;

Rhuti 2:2

Rhuti wa le Mowabu a kombela eka Nahumi a ku: “Ndzi pfumelele ku ya emasin'wini, ndzi ya khwaja minchocho eka un'wana ni un'wana loyi a nga ta ndzi komba tintswalo.” “Famba n'wananga”, ku hlamula Nahumi.

Genesa 18:2

Loko Abrahama a tlakusa mahlo, o vona vavanuna vanharhu va yimile emahlweni ka yena; hiloko a suka enyangweni ya ntsonga wa yena hi ku tsutsuma, a ya va hlanganisa, a fika a korhama,

Rhuti 2:9

Langutisa laha vavanuna va tshoveleka kona, u va landza. Ndzi lerisile malandza leswaku ma nga ku karhati. Loko u twa torha, famba u ya nwa mati emakhuwaneni lama nga tatiwa hi malandza.”

Rhuti 2:11

Bowazi a hlamula a ku: “Ndzi byeriwile hinkwaswo leswi u nga swi endla ku pfuna n'wingi wa wena, ku sukela loko nuna wa wena a file. Va ndzi byele hilaha u sukeke hakona eka tata wa wena ni mana wa wena, ni ka tiko leri u nga velekiwa eka rona, ku ta tshama ni vanhu lava u nga va tiviki nikutsongo.

Levhitika 19:34

Munhu wo tano, n'wi hlayiseni ku fana ni Muisraele wa ka n'wina, mi n'wi rhandza ku fana ni loko mi tirhandza, hikuva na n'wina mi vile valuveri etikweni ra Egipta: Hi mina HOSI, Xikwembu xa n'wina.

Rhuti 2:19

“Namuntlha a wu khwaja kwihi ke”, ku vutisa n'wingi wa Rhuti, “u tirhile eka mani? Minkateko a yi ve ni wanuna loyi a ku amukeleke.” Kutani Rhuti a hlamusela n'wingi wa yena leswaku ú tirhe na vamani, a engeta a ku: “Wanuna loyi ndzi nga tirha eka yena namuntlha, vito ra yena i Bowazi.”

2 SAMIELE 7:18

Kutani hosi Davhida a ya nghena entsongeni wa HOSI Xikwembu, a tshama ehansi, a khongela a ku: “We HOSI N'wini wanga, a ndzi munhu wa nchumu, naswona ndyangu wa mina a wu tivikani; kambe u ndzi fikisile eka xiyimo lexi ndzi nga ka xona sweswi!