Rhuti 1:5 - BIBELE Mahungu Lamanene

⁵ kambe Mahaloni na Kiliyoni va fa ha vambirhi, kutani Nahumi a sala a feriwile hi nuna ni vana va yena lavambirhi va xinuna.

Xitsonga (Bibele)

⁵ Mahaloni na Kiliyoni va fa na vona havambirhi. Sweswo wa nsati loyi a sala a ri swakwe ndzhaku ka rifu ra vana vambirhi va yena ni nuna wa yena.

Rhuti 1:5 Referans Kwoze

Luka 7:12

Loko a fika kusuhi ni nyangwa ya muti, a vona vanhu lava humaka va rhwele mufi, loyi a a ri n'wana yexe eka mana wa yena wa noni, kutani ntshungu lowukulu wa vanhu va muti a wu heleketa manana loyi.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Esaya 49:21

Kutani u ta vulavula hi mbilu u ku: ‘Xana i mani loyi a ndzi velekeleke vana lava xana? Ndzi feriwe hi vana, a ndzi tlhelanga ndzi kuma van'wana, tlhandlakambirhi ndzi khomiwile ndzi yisiwa kule evukhumbini; xana vana lava va wundle hi mani xana? A ndzi tisalele ndzi ri ndzexe, kutani vana lava, va ta va huma kwihi xana?’ ”

Duteronoma 32:39

“ ‘Swi tiveni sweswi: Hi mina ntsena ndzi nga Xikwembu a ku na xin'wana ehandle ka mina. Hi mina ndzi dlayaka ni ku hanyisa, ndzi boxa timbanga, ndzi tlhela ndzi horisa, loyi ndzi n'wi khomaka, a nge lamuleriwi hi munhu.

Rhuti 1:2

Vito ra wanuna loyi a a ri Elimeleke, nsati wa yena a a ri Nahumi. Mavito ya majaha lamambirhi a va ku i Mahaloni na Kiliyoni. A va ri va le Efrata, kusuhi ni muti wa Betlehema eYuda. Va fikile etikweni ra Mowabu, va aka kona.

Rhuti 1:4

Majaha lawa ma teka vasati exikarhi ka Vamowabu. Un'wana a a ri Oripa, loyi un'wana a a ri Rhuti. Va tshama swin'we malembe lama lavaka ku ringana khume;

Rhuti 1:6

Loko a ha ri etikweni ra Mowabu, Nahumi a twa leswaku HOSI Xikwembu xi pfunile tiko ra xona, xi ri phamela swakudya. Hikokwalaho a longa a ri ni vingi va yena, leswaku va ta suka etikweni ra Mowabu.