Rhuti 1:19 - BIBELE Mahungu Lamanene

¹⁹ Hikokwalaho va famba swin'we, va ko va ya fika eBetlehema. Kakuloko va ha nghena eBetlehema, vaaki hinkwavo va va hlamala swinene, kutani vavasati va vutisana va ku: “Xana a nga va a ri yena Nahumi ke?”

Xitsonga (Bibele)

¹⁹ Kutani va famba va ri vambirhi, va ko va fika eBetlehema. Kakuloko va nghena eBetlehema muti hinkwawo wu hlamala ha vona; vavasati va ku: “Xana a hi yena Nahumi xana?”

Rhuti 1:19 Referans Kwoze

Matewu 21:10

Kuteloko Yesu a nghenile Yerusalema, vanhu hinkwavo va muti va yima-yimeka, va ku: “Munhu loyi, i mani xana?”

Swirilo 2:15

Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”

Esaya 23:7

Xana muti lowu, a hi wona lowu a mi tinyungubyisa ha wona, mi ku wu ve kona ku sukela khale ka khale, xana? Xana a hi wona lowu humeseke vanhu, lava nga ya aka ematikweni ya le kule xana?

Rhuti 1:20

Yena a ku ka vona: “Mi nga ha ndzi vuli ‘Nahumi’, kambe mi ndzi vula ‘Mara’, hikuva Xikwembu-xa-matimba-hinkwavo xi ndzi khomise xo tika.

Rhuti 2:6

“Nhwana loyi i wa le Mowabu; wa ha ku vuya na Nahumi hi le tikweni ra Mowabu”, ku hlamula mulanguteri.

1 TIKRONIKA 2:51

na Salma, tata wa va le Betlehema; na Harefi, tata wa va le Beta-Gadere.