Rhuti 1:13 - BIBELE Mahungu Lamanene

¹³ xana mi nga va yimela va kondza va kula ke? Mi nga tshika ku tekiwa ke? A hi swona, vana vanga! Loko ndzi mi anakanya, ndzi mi twela vusiwana ngopfu, hikuva HOSI yi ndzi fularhele.”

Xitsonga (Bibele)

¹³ xana mi nga va tshamela va ko va kula? Xana mi ta va yimela, mi ala ku tekiwa? A hi swona, vana vanga. Kunene ndzi le khombyeni ku tlula n'wina, hikuva voko ra Yehovha ri ndzi tsongahatile ngopfu.”

Rhuti 1:13 Referans Kwoze

Ntirho 19:21

“N'wina vanakulorhi, ndzi tweleni vusiwana, ndzi ri, ndzi tweleni vusiwana, hikuva Xikwembu xi ndzi bile.

Pisalema 32:4

Vusiku ni nhlekanhi, a wu ndzi ba we HOSI, ndzi hela matimba kukota ximila lexi hisiwaka hi mumu.

Vaavanyisi 2:15

Minkarhi hinkwayo loko Vaisraele va huma nyimpi, HOSI Xikwembu a xi va tshika va wela ekhombyeni, hilaha a xi va hlambanyerile hakona, kutani va xaniseka ngopfu.

Pisalema 38:2

Miseve ya wena yi ndzi tlhaveterile, u ndzi tshikelerile hi voko ra wena.

1 SAMIELE 5:11

Kutani va rhumela rito eka tihosi ta Vafilista, tona ti endla nhlengeletano na vona, kutani va ku ka tona: “Tlheriselani Areka ya Xikwembu ekaya ka yona, yi ta ka yi nga ha hi heti, hina ni vanhu va ka hina.” Muti hinkwawo a wu khomiwile hi ku chava lokukulu, wu chava ku fa, hikuva HOSI Xikwembu a xi ba vanhu va kona hi nkhavi lowukulu.

Duteronoma 2:15

Hakunene HOSI Xikwembu a xi va fularherile, va herisiwa hinkwavo emixaxeni, va lovisa sweswo.

Genesa 38:11

Hikokwalaho, Yuda a ku ka Tamara: “U to va noni u ri karikwenu, ku kondza Xela a kula.” Yuda a a chava leswaku Xela na yena a nga fa ku fana ni vamakwavo. Hiloko Tamara a tlhelela ekarikwavo, a ya tshama kona.

Rhuti 1:12

Tlhelani vana vanga, mi tifambela. Ndzi hundzeriwe hi nkarhi wo tlhela ndzi tekiwa. Hambiloko ndzi nga vula ndzi ku, ndzi ni xitshembiso xo kumana ni wanuna vusiku byebyi, ndzi veleka majaha,

Rhuti 1:14

Loko va twa sweswo, va tlhaveka va tlhela va rila. Loko a ri Oripa, a ntswontswa n'wingi wa yena, a hambana na yena; kasi Rhuti yena a namarhela Nahumi.

Rhuti 1:21

Ndzi fambile endzalweni, kambe HOSI yi ndzi vuyisile ndzi ri hava nchumu emandleni. Mi ndzi vulela yini ‘Nahumi’, kasi HOSI yi ndzi tshikile, xona Xikwembu-xa-matimba-hinkwawo xi ndzi vangele maxangu.”