Rhuti 1:1 - BIBELE Mahungu Lamanene

¹ Eminkarhini ya khale loko tiko ra ha fambisiwa hi vaavanyisi, ku ve ni dyandza etikweni. Wanuna un'wana wa muti wa Betlehema etikweni ra Yuda, a rhurhela etikweni ra Mowabu, swin'we ni nsati wa yena ni majaha ya yena mambirhi.

Xitsonga (Bibele)

¹ Enkarhini lowu wa ku fuma ka vaavanyisi, a ku ri ni ndlala etikweni ra Israele. Kutani munhu wa Betlehema-Yuda a ya luvela etikweni ra Mowabu, a ri ni nsati wa yena, ni vana va yena va xinuna vambirhi.

Rhuti 1:1 Referans Kwoze

Genesa 12:10

Loko ku hundzile nkarhi, ku wa ndlala etikweni ra Kanana. Kutani Abrama a rhelela etikweni ra Egipta ku ya luvela kona, hikuva ndlala a yi ri yikulu etikweni.

Genesa 26:1

Ehandle ka ndlala leyi weke enkarhini wa Abrahama, ku tlherile ku wa yin'wana etikweni. Kutani Isaka a ya eka Abimeleke hosi ya Vafilista emutini wa Gerara.

Ezekiele 14:13

“Swi tive we Ezekiele, loko tiko rin'wana ri nga tshuka ri ndzi dyohela hi ku ka ri nga tshembeki, kutani ndzi tlakusa voko ra mina ndzi ba tiko rero, ndzi herisa swakudya swa rona, ndzi ri vangela tindlala ni ku fa ka vanhu ni swifuwo,

Vaavanyisi 17:8

Loko jaha leri ri suka emutini wa Betlehema etikweni ra Yuda, ri famba ri lava lomu ri nga tshamaka kona, ri yile ri ya humelela hi le mutini wa Mika, emagangeni ya Efrayimi.

Levhitika 26:19

Nkanu leyi endlaka leswaku mi tikurisa, ndzi ta yi herisa; ndzi ta pfala tilo ri tiya wonge i nsimbhi, ndzi nonon'hwisa misava yi tiya kukota koporo.

Genesa 43:1

Enkarhini lowu, ndlala a yi ya yi nyanya etikweni.

Amosi 4:6

“Ndzi vangile ndlala emitini ya n'wina hinkwayo, swakudya swi nga ha kumeki emindyangwini ya n'wina hinkwayo; kambe hambiswiritano, a mi tlhelelanga eka mina.” HOSI yi vula sweswo.

Pisalema 105:16

Enkarhini wolowo, Xikwembu xi vangile dyandza etikweni, vanhu va fa hi ndlala;

Duteronoma 28:38

“Emasin'wini ya n'wina, mi ta haxa mbewu yo tala, kambe a mi nga tshoveli swo tivikana, hikuva tinjiya ti ta va ti herisile swimila.

Ezekiele 14:21

HOSI N'wini wa hinkwaswo ú vurisa sweswo ú ri: “Hakunene ndzi ta ba muti wa Yerusalema hi swilo swa mune, ku nga matlhari ni tindlala ni swiharhi ni mintungu; swilo leswi swi ta dlaya vanhu ni swifuwo.

Yeremiya 14:1

HOSI Xikwembu xi vulavurile na Yeremiya, xi n'wi tivisa ta dyandza xi ku:

Pisalema 107:34

ni tiko ro nona ri hundzuka makwandzasi, loko vaaki va kona va endla leswo biha.

1 TIHOSI 18:2

Kutani Eliya a khoma ndlela ku ya humelela emahlweni ka Akabu. Hi minkarhi yoleyo, dyandza a ri kurile ngopfu eSamariya.

Vaavanyisi 12:8

Endzhaku ka Yefta, ku humelela Ibisani wa le Betlehema, a va murhangeri wa Israele.

2 SAMIELE 21:1

Enkarhini wa ku fuma ka Davhida, ku vile ni ndlala malembe mankarhu hi ku landzelelana. Davhida a ya vutisa xivangelo eka HOSI Xikwembu, kutani xi hlamula xi ku: “I nandzu wa Sawulo ni ndyangu wa yena, hikuva ú halatile ngati hi ku dlaya vaaki va le Gibiyoni.”

Vaavanyisi 17:7

Eka Mika, a ku luvele jaha rin'wana ra Mulevhi. Jaha leri a ri ri ra ndyangu wun'wana wa ka Yuda, ri huma emutini wa Betlehema etikweni ra Yuda.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

1 TIKRONIKA 2:51

na Salma, tata wa va le Betlehema; na Harefi, tata wa va le Beta-Gadere.

1 TIKRONIKA 2:54

Va ka Salma hi lava: Va le Betlehema, ni va le Netofa, ni va le Atiroto-Beta-Yowabu, ni hafu ya ndyangu wa va ka Manahate, ni va le Sora.