Pisalema 98:1 - BIBELE Mahungu Lamanene

¹ Dzunisani HOSI Xikwembu hi ku yimbelela risimu lerintshwa, hikuva mintirho ya xona ya hlamarisa. Hi ntamu wa xona ni ku hlawuleka ka xona lokukulu, xi hlurile valala va xona.

Xitsonga (Bibele)

¹ Yimbelelelani Yehovha risimu lerintshwa, Hikuva u endlile swilo leswi hlamarisaka; Voko ra yena ra xinene lero kwetsima ri n'wi pfunile.

Pisalema 98:1 Referans Kwoze

Eksoda 15:6

“Matimba ya voko ra wena ra xinene, we HOSI, ma hlamarisa; voko ra wena ra xinene, we HOSI, ri fayeterile valala.

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Nhlavutelo 14:3

Va yimbelela leswi fanaka ni risimu lerintshwa, va ri emahlweni ka xiluvelo ni le mahlweni ka swivumbiwa leswi hanyaka swa mune, ni le mahlweni ka vakulukumba. A ku ri hava ni un'we la kotaka ku dyondza risimu ra kona ehandle ka lava va 144 000, lava kutsuriweke emisaveni.

Pisalema 96:1

Yimbelelani risimu lerintshwa mi dzunisa HOSI Xikwembu, n'wina vanhu va misava hinkwayo, yimbelelani mi xi dzunisa.

Pisalema 33:3

Yimbelelani risimu lerintshwa, mi vonga HOSI, chayani swi nandziha swinene, swi twanana ni timhalamhala.

Pisalema 96:3

Hlayelani vanhu hinkwavo ku dzuneka ka HOSI, matiko hinkwawo a ma tivisiwe mintirho ya yona leyo hlamarisa.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

Vakolosa 2:15

Kriste ú hetile matimba ya mimoya ya vundhuna ni ya vufumi, a yi endla xisolo erivaleni, hi ku yi hlulela makumu hi xihambano.

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Timhaka 2:11

Van'wana i Vayuda, van'wana i vamatiko lava amukeriweke eXiyudeni; van'wana va hina hi Vakreta ni Maarabiya; kambe hinkwerhu hi va twa va vula mintirho leyikulu ya Xikwembu hi tindzimi ta ka hina!”

Luka 1:49

Lowa matimba hinkwawo ú ndzi endlerile leswikulu, vito ra yena ri hlawulekile,

Yeremiya 31:22

N'wina vanhu vo ka va nga tshembeki, tshikani ku kanakana, hikuva HOSI Xikwembu xi tumbuluxile leswintshwa etikweni: Wansati ú ta tilavela wanuna!

Esaya 63:5

Ndzi lavile matlhelo hinkwawo, ndzi nga kumi loyi a nga ndzi pfunaka; ndzi hlamarile ku vona leswaku a ku ri hava vo ndzi seketela; hiloko ndzi tirha hi matimba ya mina, ndzi tiseketela hi vukari bya mina.

Esaya 42:10

Sumani risimu lerintshwa, mi yimbelelela HOSI Xikwembu; n'wina vanhu va misava hinkwayo, xi twariseni! Xi dzuniseni n'wina mi fambaka elwandle, na n'wina swivumbiwa hinkwaswo leswi nge ka rona; yimbelelani na n'wina mi tshamaka ematikweni ya le kule.

Pisalema 149:1

Dzunisani HOSI! Yimbelelani risimu lerintshwa mi dzunisa HOSI Xikwembu, xi tlangeleni exikarhi ka ntshungu wa vanhu va xona.

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

Esaya 59:16

HOSI Xikwembu xi swi vonile ni leswaku a ku na munhu loyi a tiyimiseleke ku pfuna van'wana, xi hlamarile ku vona leswaku a ku na loyi a lamulelaka vanhu va xona; hikokwalaho, xi ta ya hi xoxe, xi ya lwa xi hlula, xi komba leswaku hi xona mulamuleri.

Pisalema 139:14

Hikokwalaho ndza ku tlangela: U endlile leswo chavisa, kutani na mina ndzi xihlamariso. Mintirho ya wena hinkwayo ya hlamarisa, ndza swi tiva swinene.

Pisalema 136:4

Ú endle swihlamariso leswikulu a ri yexe. — Rirhandzu ra yena hi leri nga heriki —

Pisalema 105:5

Anakanyani mintirho ya yona leyo hlamarisa, ni hilaha ku lerisa ka yona ku mi lamuleleke hakona.

Pisalema 86:10

Wena u nkulukumba, naswona u endla swilo leswo hlamarisa. Hakunene, hi wena ntsena u nga Xikwembu.

Pisalema 77:14

Hi wena Xikwembu lexi endlaka mahlori, u komba matimba ya wena exikarhi ka vamatiko.

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Timhaka 19:20

Hi mukhuva wolowo rito ra Hosi ri nava hi matimba, ri ya ri tiya.

Nhlavutelo 6:2

Ndzi languta, kutani ndzi vona hanci leyo basa. Loyi a gadeke yona a a khomile vurha, a nyikiwile ni harhi ya vuhosi, a huma kukota nhenha leyi yaka eku hluleni.

Ntirho 40:9

Xana u ni matimba yo ringana ni ya mina, u nga balekisa tilo ku fana na mina ke?

Pisalema 72:18

A ku nkhensiwe HOSI Xikwembu xa Israele, hikuva hi xona ntsena xi endlaka mahlori!

Pisalema 89:14

Masungulo ya vuhosi bya wena i nawu ni ku lulama, rirhandzu ni ku tshembeka i malandza ya wena.

Esaya 12:5

“Yimbelelani mi dzunisa HOSI, hikuva yi tirhile leswikulu ngopfu, vanhu hinkwavo va misava a va tivisiwe swona.