Pisalema 97:7 - BIBELE Mahungu Lamanene

⁷ Hinkwavo lava khongelaka swikwembu swa swifaniso, va ta khomiwa hi tingana, hikuva va tinyungubyisa hi leswi nga pfuniki nchumu. Swikwembu leswi hinkwaswo a swi nkhinsamele HOSI Xikwembu!

Xitsonga (Bibele)

⁷ Va khomiwa hi tingana, lava tirhelaka swifaniso, Lava tidzunisaka hi swikwembu swahava.

Pisalema 97:7 Referans Kwoze

Vaheveru 1:6

Nakambe, loko xi tisa N'wana wa xona wa mativula emisaveni, xi te: “Hinkwato tintsumi ta Xikwembu a ti n'wi nkhinsamele!”

Yeremiya 10:14

Hinkwavo lava va swi vonaka, va hlamala, va nga swi twisisi; lava tivaka ku n'okisa nsuku va vumba swikwembu, va ta khomisiwa tingana ha swona, hikuva swifaniso leswi a hi swa ntiyiso, ni ku hefemula a swi hefemuli.

Esaya 42:17

Lava tshembaka swifaniso leswi vatliweke, vona lava byelaka swifaniso leswi vumbiweke va ku: ‘Hi n'wina swikwembu swa hina’, va ta hlongoriwa, va tlhela va ri ni tingana letikulu.”

Levhitika 26:1

“Etikweni ra n'wina, mi nga tshuki mi tiendlela swikwembu swa hava, naswona mi nga tiyimiseli swifaniso swa swona, ni timhandze ta vugandzeri bya hava, kumbe ku sasekisa maribye mi gandzela wona. Hi mina HOSI, Xikwembu xa n'wina.

Eksoda 20:4

“U nga tshuki u tivatlela xifaniso xa xikwembu, kumbe xifaniso xa swilo swihi ni swihi leswi nga henhla etilweni kumbe leswi nga hansi emisaveni, kumbe leswi nga matini ehansi ka misava;

1 Petro 1:12

Va kombisiwile hi ku hlavuteriwa leswaku a va nga titirheli, kambe a va tirhela n'wina, eka swilo leswi mi tivisiweke swona sweswi. Mi tivisiwile swilo swa kona hi lava va twariseke Mahungu Lamanene eka n'wina, hi Moya lowo Kwetsima lowu rhumeriweke hi le tilweni. Swilo swa kona, tintsumi na tona ta navela ku swi hlometela.

Esaya 41:29

Vonani, hinkwaswo a swi pfuni nchumu, a ku na ntirho lowu swi wu endlaka, swifaniso leswi vatliweke leswi, a hi nchumu!”

Duteronoma 27:15

“ ‘A a rhukaniwe, munhu loyi a tivatlelaka kumbe ku tivumbela xifaniso xa xikwembu a xi gandzela exihundleni, kasi i xilo lexi a xi endleke hi mavoko ya yena, lexi vengiwaka hi HOSI Xikwembu.’ Kutani Vaisraele hinkwavo va ta hlamula va ku: ‘Amen!’

Duteronoma 5:8

“ ‘U nga tshuki u tivatlela xifaniso xa xikwembu, kumbe xifaniso xa swilo swihi na swihi leswi nga henhla etilweni, kumbe leswi nga hansi emisaveni, kumbe leswi nga matini ehansi ka misava.

Eksoda 25:20

ti ta tlharamulela timpapa ta tona ehenhla, ti sirhelela xitshamu xa ndzivalelo, ti langutanile, xitshamu xa ndzivalelo xi ri exikarhi.

1 SAMIELE 5:3

Hi siku leri tlhandlamaka, loko vaaki va Axidodo va pfuka nimpundzu, va kuma leswaku Dagona ú wele ehansi hi mombo, emahlweni ka Areka ya HOSI. Kutani va n'wi pfuxa, va n'wi tlherisela evutshan'wini bya yena.

Esaya 42:7

U ta pfula mahlo ya lava nga voniki, lava pfaleriweke ekhotsweni, u ta va humesa; u ta va susa exinyamini lexi va tshamaka eka xona.

Esaya 45:16

Hinkwavo lava endlaka swifaniso swa swikwembu, va ta khomiwa hi tingana, va hlangana tinhloko; va ta famba swin'we hinkwavo, va pfilunganile miehleketo.

Yeremiya 2:26

“Loko khamba ri khomiwile, ri ta va ni tingana; kutani na vona Vaisraele va ta khomiwa hi tingana, vona, ni tihosi ta vona, ni varhangeri va vona, ni vaprista va vona, ni vaprofeta va vona.