Pisalema 97:11 - BIBELE Mahungu Lamanene

¹¹ Lavo lulama va tlhavela hi ku vonakala, lava nga ni timbilu to basa va kuma ku tsaka.

Xitsonga (Bibele)

¹¹ Ku vonakala ku byaleriwe la lulameke, Ni ku tsaka ku nyikiwa va timbilu to lulama.

Pisalema 97:11 Referans Kwoze

Yohane 12:46

Mina ndzi ku vonakala, kutani ndzi tile emisaveni leswaku un'wana ni un'wana la pfumelaka eka mina, a nga tshami emunyameni.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Ntirho 22:28

Makungu lawa u ma boheke, ma ta humelela, u ta voningeriwa tindlela.

Pisalema 112:4

Eminkarhini ya makhombo, munhu loyi ú famba eku vonakaleni, ú ni tintswalo, ú twela vusiwana, a hi ku lulama ka yena!

Nhlavutelo 21:23

Muti a wu lavi dyambu kumbe n'weti ku wu voninga, hikuva wu voningiwa hi ku kwetsima ka Xikwembu, kutani Xinyimpfana i rivoni ra wona.

Vagalatiya 6:8

loyi a byalaka swo tsakisa ntumbuluko wa yena wa nyama, ú ta tshovela leswo bola leswi humaka eka ntumbuluko wa yena wolowo; kambe loyi a byalaka swo tsakisa Moya, ú ta tshovela leswi humaka eka Moya, byi nga vutomi lebyi nga heriki.

Pisalema 18:28

Hakunene, hi wena la ndzi lumekelaka rivoni! We HOSI Xikwembu xa mina, wa ndzi voningela exinyamini.

Estere 8:16

Vayuda a va vangama tinghohe, va yimbelela va tsakile, va titwa va ri vanhu.

Nhlavutelo 22:5

Vusiku a byi nga ha vi kona, a va nga ha lavi ku vonakala ka rivoni kumbe ka dyambu, hikuva Hosi Xikwembu xi ta va ku vonakala ka vona, kutani va ta fuma hilaha ku nga heriki.

Mikiya 7:9

Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.

Esaya 62:1

Loko ndzi anakanya muti wa Siyoni, ndzi nga ka ndzi nga miyeli, a ndzi nga wisi loko ndzi tsundzuka muti wa Yerusalema, ku kondza Xikwembu xi wu lwela, ku ponisiwa ka wona ku ko ku vangama kukota xisana xa ndzilo lexi pfurhaka nivusiku.

Ntirho 11:17

Kutani vutomi bya wena byi ta vangama kukota dyambu ninhlekanhi, xinyami xa byona xi ta tlhavela hi vurhonga.

Pisalema 68:4

Dzunisani Xikwembu hi tinsimu, mi twarisa vito ra xona. Khulelani ndlela ya Loyi a fambaka hi mapapa, hikuva vito ra yena i HOSI; banani nkulungwana emahlweni ka yena.

Esaya 58:8

Loko mi endla sweswo, minkateko yi ta mi tela kukota vurhonga, mi ta hatla mi horisiwa; mi ta rhangeriwa hi mintirho ya n'wina leyo lulama, kutani mina HOSI ndzi ta mi sirhelela matlhelo hinkwawo hi ku kwetsima ka mina.