Pisalema 97:10 - BIBELE Mahungu Lamanene

¹⁰ N'wina mi rhandzaka HOSI Xikwembu, vengani leswo homboloka! HOSI Xikwembu xi sirhelela vutomi bya malandza ya xona, xi ma kutsula emavokweni ya lavo biha.

Xitsonga (Bibele)

¹⁰ N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

Pisalema 97:10 Referans Kwoze

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Pisalema 145:20

HOSI Xikwembu xi hlayisa hinkwavo lava va xi rhandzaka, kambe xi ta herisa lavo homboloka hinkwavo.

Pisalema 34:14

tshikani leswo biha mi endla leswinene, lavani ku rhula, mi tiyisela endleleni ya kona,

Yeremiya 15:21

Ndzi ta ku ponisa emavokweni ya lavo homboloka, ndzi ku kutsula eka vanhu va tihanyi.”

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

2 Vatesalonika 3:2

Khongelani leswaku hi lamuleriwa eka vanhu lavo biha, lavo ka va nga lulamanga; hikuva a hi hinkwavo lava nga ni ku pfumela.

Swivuriso 2:8

hi xona xi sirhelelaka maavanyisele layo lulama, xi rindza tindlela ta vahlawuriwa va xona.

Pisalema 31:23

Rhandzani HOSI, n'wina hinkwenu lava mi yi tshembaka; yi sirhelela lava pfumelaka eka yona, kambe lava va tikurisaka, yi va ba yi vuyelela.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

1 Yohane 4:19

Hina hi ni rirhandzu hikuva ku rhangile Xikwembu xi hi rhandza.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Daniele 6:27

Xikwembu lexi xa ponisa ni ku lamulela, xi endla swikombiso ni mahlori etilweni ni la misaveni; hi xona xi lamuleleke Daniele etinghaleni ta matimba.”

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

1 Vakorinto 8:3

Kambe loko munhu a rhandza Xikwembu, ú tiviwa hi xona.

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Swivuriso 3:7

U nga tshuki u tiendla ntlhari, chava HOSI Xikwembu, u hambana ni leswo biha.

Pisalema 125:3

Lavo homboloka va nga ka va nga yi emahlweni va fuma tiko leri nyikiweke lavo lulama; ehandle ka swona, lavo lulama lava va nga tshuka va ringiwa va endla leswo biha.

Pisalema 119:163

Mavunwa ndza ma nyenya, a ndzi twanani na wona, kambe nawu wa wena wona ndza wu rhandza.

Pisalema 91:14

Xikwembu xi ri: “Leswi munhu loyi a ndzi tivaka ni ku ndzi namarhela, ndzi ta n'wi ponisa ndzi n'wi hlayisa.

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

Varhoma 7:24

Yo! Mina munhu wa khombo leronghasi! I mani la nga ta ndzi ntshunxa emirini lowu wu ndzi yisaka eku feni xana?

Varhoma 7:15

Mhaka hileswaku mina n'wini a ndzi twisisi leswi ndzi swi endlaka, hikuva a ndzi endli leswi ndzi navelaka ku swi endla, kambe ndzi endla leswi ndzi swi vengaka.

Daniele 6:22

Xikwembu xa mina xi rhumile ntsumi ya xona yi ta siva milomo ya tinghala, kutani a ti ndzi endlanga nchumu, hikuva xi ndzi kumile ndzi nga ri na xisandzu emahlweni ka xona; hambi ku ri emahlweni ka wena hosi, a ndzi endlanga nchumu xo biha.”

Pisalema 119:104

Swiletelo swa wena swa ndzi tlharihisa, hikokwalaho ndzi vengaka tindlela hinkwato ta mavunwa.

Pisalema 101:3

ndzi tshika mintirho hinkwayo leyo hombokoka. Lava landzulaka Xikwembu, ndzi ta lwa na vona, ndzi nge pfuki ndzi twananile na vona!

Pisalema 36:4

Hambi a etlele nivusiku, ú le ku lukeni ka mano layo biha, a hlawula ndlela leyi nga riki yona, a nga fularheli leswo biha.

Pisalema 121:7

HOSI yi ta ku ponisa emakhombyeni hinkwawo, yi ku sirhelela.

Amosi 5:14

Lavani leswo lulama, swi nga ri leswo biha, mi ta kuma vutomi, kutani hi kona HOSI, Xikwembu xa matimba hinkwawo, xi nga ta va na n'wina, hilaha mi toloveleke ku vula hakona.