Pisalema 96:8 - BIBELE Mahungu Lamanene

⁸ Xi twariseni mi dzunisa vito ra xona, tanani eTempeleni ya xona mi ri ni swa magandzelo.

Xitsonga (Bibele)

⁸ Nyikani ka Yehovha ku kwetsima loku fanelaka vito ra yena, Tisani magandzelo, mi nghena erikupakupeni ra yena,

Pisalema 96:8 Referans Kwoze

Pisalema 100:4

Nghenani eTempeleni ya xona mi ri karhi mi nkhensa, mi nghena eswivaveni swa xona mi ri karhi mi yimbelela. Xi dzuniseni mi tlangela vito ra xona.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Pisalema 45:12

We nhwana wa le Tiri, lava fuweke etikweni va ta ku humesela tinyiko, va endlela leswaku u va tsakela.

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Vaheveru 13:13

Hikokwalaho, a hi humeni hi ya le ka yena ehandle ka nxaxa, hi rhwele ku rhuketeriwa ka yena.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Vafilipiya 2:17

Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.

Varhoma 15:16

ku va nandza wa Kriste Yesu exikarhi ka vamatiko. Mina, kukota muprista, ndzi vula Mahungu Lamanene ya Xikwembu leswaku vamatiko va va mhamba leyi amukelekaka eka xona, leyi hlawulekisiweke hi Moya lowo Kwetsima.

Pisalema 111:9

HOSI Xikwembu xi ntshunxile vanhu va xona, xi endla na vona ntwanano lowu nga heriki. Vito ra xona ri hlawulekile, ra chaviseka.

Pisalema 29:2

dzunisani ku kwetsima ka vito ra xona, mi xi nkhinsamela mi ambarile swiambalo leswo hlawuleka.

Pisalema 116:19

ndzi ri exivaveni xa Tempele ya yona, exikarhi ka wena, we muti wa Yerusalema. Dzunisani HOSI!

Ezekiele 46:3

hikuva na vona vanhu va tiko va ta ta enyangweni yoleyo va ta ndzi nkhinsamela mina HOSI, hi siku ra Savata ni ra ku tshama ka n'weti.