Pisalema 96:2 - BIBELE Mahungu Lamanene

² Yimbelelani mi dzunisa HOSI, mi tlangela vito ra yona; siku rin'wana ni rin'wana vulani leswaku Xikwembu i muponisi.

Xitsonga (Bibele)

² Yimbelelani Yehovha, mi dzunisa vito ra yena, Vulani siku rin'wana ni rin'wana ku hlayiseka ka yena!

Pisalema 96:2 Referans Kwoze

Marka 16:15

Kutani a ku ka vona: “Yanani emisaveni hinkwayo, mi ya twarisa Evhangeli eka swivumbiwa hinkwaswo.

Pisalema 71:15

Siku rin'wana ni rin'wana, ndzi ta vula leswaku u Xikwembu xo tshembeka, ni leswaku u ponisa vanhu. Hakunene mintirho ya wena i ntsandza-vahlayi.

Pisalema 40:10

Mhaka ya leswaku u hi ntshunxile, a ndzi yi endlanga xihundla, ndzi tivisile vanhu leswaku u muponisi la tshembekaka; ntshungu lowukulu a ndzi wu fihlelanga rirhandzu ni ku tshembeka ka wena.

Esaya 40:9

Khandziya entshaveni leyo leha, u tivisa mahungu lamanene, we Siyoni. We Yerusalema, tlakusa rito u huwelela hi matimba, u byela van'wana mahungu lamanene. U nga chavi, huwelela swinene, u byela miti ya tiko ra Yuda, u ku: “Vonani, Xikwembu xa n'wina hi lexi!”

Pisalema 145:1

We Xikwembu xanga, wena la fumaka, ndzi ta twarisa vukulu bya wena; minkarhi hinkwayo ndzi ta ku tlangela.

Nhlavutelo 5:13

Kutani ndzi twa xivumbiwa xin'wana ni xin'wana lexi nge tilweni, ni la misaveni, ni le hansi ka misava, ni le lwandle, swi nga swivumbiwa hinkwaswo swa ntumbuluko hinkwawo, swi ri karhi swi vonga swi ku: “Eka loyi a tshameke exiluvelweni, ni le ka Xinyimpfana, a ku ve ku vongiwa, ni ku dzuneka, ni ku twala, ni matimba, hilaha ku nga heriki.”

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Timhaka 13:26

“N'wina varikwerhu mi nga rixaka ra Abrahama, na van'wana lava chavaka Xikwembu exikarhi ka n'wina: Mahungu lawa ya ku ponisiwa ma rhumeriwile ka hina.

Pisalema 145:10

We HOSI, swivumbiwa swa wena hinkwaswo swi ta ku dzunisa, vahlawuriwa va wena hinkwavo va ta ku tlangela.

Pisalema 103:20

Nkhensani HOSI Xikwembu n'wina tintsumi ta xona, n'wina tinhenha ta matimba leti yingisaka rito ra xona ti hanya ha rona.

1 TIKRONIKA 29:20

Kutani Davhida a vulavula ni nhlengeletano hinkwayo, a ku: “Tlangelani HOSI, Xikwembu xa n'wina!” Hiloko nhlengeletano hinkwayo yi tlangela HOSI, Xikwembu xa vatata wa vona, va korhamisa tinhloko va xi khongela, kutani va tiboha ku tirhela hosi ya tiko.

Pisalema 145:2

Siku rin'wana ni rin'wana ndzi ta ku nkhensa, ndzi dzunisa vito ra wena hilaha ku nga heriki.