Pisalema 95:7 - BIBELE Mahungu Lamanene

⁷ hikuva hi xona xi nga Xikwembu xa hina, hi vanhu lava xi va risaka ni ntlhambi lowu xi wu fambisaka. Namuntlha hi wo nkarhi! Yingisani leswi xi mi byelaka swona! Xi ri:

Xitsonga (Bibele)

⁷ Hikuva hi yena Xikwembu xa hina. Kutani hina hi tiko leri risiwaka hi yena. Ntlhambi lowu fambisiwaka hi voko ra yena. Namuntlha loko mi yingisa rito ra yena,

Pisalema 95:7 Referans Kwoze

Vaheveru 4:7

Xikwembu xi engeta xi veka rin'wana siku, xi ku: “Namuntlha!” Xi ri vula hi nomo wa Davhida endzhaku ka nkarhi wo leha swinene, hi marito lawa ya ha ku vuriwaka, lama nga te: “Namuntlha, loko mi twa rito ra xona, mi nga nonon'hwisi timbilu ta n'wina.”

Vaheveru 3:15

enkarhini lowu ka ha vuriwaka marito lama nge: “Namuntlha, loko mi twa rito ra Xikwembu, mi nga nonon'hwisi timbilu ta n'wina, kukotisa leswi mi tshamaka mi swi endla loko mi xi pfukerile.”

Nhlavutelo 3:20

Vona, ndzi yimile enyangweni, ndza gongondza. Loko un'wana a twa rito ra mina a pfalula nyangwa, ndzi ta nghena endlwini ya yena ndzi dya na yena, na yena ú ta dya na mina.

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

1 Petro 2:25

Khale, a mi pepetseka ku fana ni tinyimpfu, kambe sweswi mi vuyile eka murisi ni mulanguteri wa mimoya ya n'wina.

Pisalema 74:1

We Xikwembu, xana u hi tshikele yini? U nga va u hi tshikele makumu xana? Xana u hi hlundzukelela yini, hina hi nga ntlhambi lowu u wu risaka, xana?

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Pisalema 23:1

We HOSI, u murisi wanga, ndzi nga ka ndzi nga pfumali nchumu.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Vaheveru 3:13

Kambe khongotelanani masiku hinkwawo, loko ma ha twa rito leri nge “namuntlha”, leswaku ku nga vi na un'we exikarhi ka n'wina loyi a tinonon'hwisaka hi ku xisiwa hi vudyoho.

Matewu 17:5

A ku a ha vulavula, papa lero vangama ri humelela, ri va funengeta; kutani ku twala rito leri humaka epapeni, ri ku: “Loyi i N'wananga la rhandzekaka, loyi ndzi n'wi tsakelaka, n'wi yingiseni!”

Pisalema 115:3

Xikwembu xa hina xi le matilweni, xi tirha hi ku rhandza;

Pisalema 79:13

Kutani hina vanhu va wena, hi ntlhambi lowu u wu risaka; hi ta ku tlangela, hi twarisa ku dzuneka ka wena hilaha ku nga heriki.

Eksoda 15:2

HOSI i matimba yanga ni risimu ranga, ndzi ponisiwile hi yona; lexi hi xona Xikwembu xa mina, ndzi ta xi vonga, Xikwembu xa tata wa mina, ndzi ta xi twarisa.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Esaya 55:3

Rhiyani ndleve, mi yingisa; tanani eka mina, mi ta kuma vutomi. Ndzi ta endla na n'wina ntwanano lowu nga heriki, ndzi hlayisa rirhandzu ra mina lero tshembeka leri ndzi ri kombeke Davhida.

Pisalema 67:6

Misava yi hi humesele mihandzu, Xikwembu, xona Xikwembu xa hina, xi hi katekisile.

Swivuriso 8:6

Yingisani, hikuva ndzi ni mhaka ya ntikelo, leswi ndzi nga ta swi vula, swi tiyile.

1 TIKRONIKA 16:14

HOSI hi yona yi nga Xikwembu xa hina, ku fuma ka xona ku eneta misava hinkwayo.

Mikiya 7:14

We HOSI, hi vanhu va wena, hi rise, u hi sirhelela hi nhonga ya wena. Hi tshama hi ri hexe exihlahleni, hi rhendzeriwile hi mitanga ya van'wana; hi yise emadyelweni ya Baxani na Giliyadi, ku fana ni le minkarhini ya khale.