Pisalema 95:5 - BIBELE Mahungu Lamanene

⁵ Xi fuma lwandle, hikuva ri endliwe hi xona, na wona matiko ma vumbiwile hi xona.

Xitsonga (Bibele)

⁵ Lwandle i ra yena, i ntirho wa yena, Na yona misava leyi tiyeke, yi vumbiwile hi mavoko ya yena.

Pisalema 95:5 Referans Kwoze

Yonasi 1:9

“Mina ndzi Muheveru”, ku hlamula Yonasi. “HOSI Xikwembu xa matilo hi xona lexi ndzi xi chavaka, xona lexi vumbeke lwandle ni misava.”

Yeremiya 5:22

Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Swivuriso 8:29

Loko HOSI Xikwembu xi bela lwandle ndzilekana leswaku mati ma nga tluli nawu wa xona, ni loko xi veka masungulo ya misava,

Swivuriso 8:26

ndzi vile kona HOSI Xikwembu xi nga si endla misava ni swimila, hambi ritshuri rinene a ri nga si va kona.

Pisalema 146:6

Xikwembu hi xona xi endleke tilo ni misava ni lwandle, ni hinkwaswo leswi hanyaka eka swona; minkarhi hinkwayo xa tshembeka.

Pisalema 33:7

Xi hlengeletile mati ya lwandle ma endla ndhundhuma, swidziva xi swi pfalerile evuhlayiselweni bya swona.

Pisalema 107:24

Kutani va vonile mintirho ya HOSI Xikwembu, ni ku hlamarisa ka yona loko va ri eswidziveni: