Pisalema 95:1 - BIBELE Mahungu Lamanene

¹ Tanani hi ta dzunisa HOSI Xikwembu hi minkulungwana, hi twarisa loyi a nga ribye ra hina ni muponisi wa hina.

Xitsonga (Bibele)

¹ Tanani, hi yimbelela tinsimu eka Yehovha! Hi huwelela hi ku tsaka eka ribye ra ku hlayiseka ka hina.

Pisalema 95:1 Referans Kwoze

1 Vakorinto 10:4

hinkwavo va nwile swakunwa swo fana swo huma tilweni, hikuva a va hamba va nwa eribyeni ro huma tilweni leri a ri va landza; ribye ra kona a a ri Kriste.

Pisalema 81:1

Yimbelelani mi dzunisa Xikwembu lexi xi hi nyikaka matimba, banani minkulungwana mi tlangela Xikwembu xa va ka Yakobo.

Pisalema 150:6

Hinkwaswo leswi hefemulaka, a swi dzunise HOSI Xikwembu! Dzunisani HOSI!

2 SAMIELE 22:47

“HOSI Xikwembu xa hanya, a ku dzunisiwe xona xi nga ribye ra mina ra vuchavelo; a ku twarisiwe Xikwembu xa mina, xi nga ribye leri ri ndzi ponisaka.

Eksoda 15:21

Kutani Meriyamu a va yimbelelela risimu, a ku: “Yimbelelani mi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.”

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Pisalema 100:1

N'wina hinkwenu vanhu va misava, huwelelani hi ku tsaka eka HOSI,

Pisalema 34:3

Yimbelelani na mina mi twarisa vukulu bya xona, a hi dzuniseni swin'we vito ra xona.

1 TIKRONIKA 16:9

Yimbelelani risimu mi dzunisa yona, twarisani mintirho ya yona hinkwayo leyo hlamarisa.

Vakolosa 3:16

Rito ra Kriste a ri tshame ka n'wina, ri andza. Dyondzisanani, mi khongotelana hi vutlhari hinkwabyo, mi twarisa Xikwembu hi ku yimbelela tipisalema, ni tinsimu, ni ku yimbelela swa Moya, mi ri karhi mi nkhensa etimbilwini ta n'wina.

Pisalema 66:8

N'we vanhu va tinxaka hinkwato, tlangelani Xikwembu xa hina, a ku twale mpfumawulo wa lava va xi dzunisaka,

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Nhlavutelo 19:6

Kutani ndzi twa leswi fanaka ni rito ra ntshungu lowukulu kumbe mpfumawulo wa mati layo tala, swi fana ni mpfumawulo wa ku baleka lokukulu ka tilo, swi ku: “Aleluya! Ku fuma i ka Hosi, Xikwembu xa hina lexi nga ni matimba hinkwawo.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

Vaefesa 5:19

Khongotelanani hi tipisalema ni tinsimu, mi yimbelela swa Moya; twarisani Hosi hi tinsimu ni tipisalema, mi yi dzunisa hi timbilu ta n'wina hinkwato.

Matewu 21:9

Mintshungu leyi n'wi rhangeleke emahlweni, ni leyi yi n'wi landzeke hi le ndzhaku, yi huwelela yi ku: “Hozana eka N'wana Davhida! A ku dzunisiwe la taka hi vito ra Hosi! Hozana ematilweni ya le henhla-henhla!”

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Pisalema 118:1

Tlangelani HOSI, hikuva yi ni vunene, rirhandzu ra yona a ri na ku hela.

Pisalema 117:1

Dzunisani HOSI, n'wina hinkwenu vamatiko, yi twariseni, n'wina hinkwenu vaaki va misava,

Eksoda 15:1

Kutani Muxe ni Vaisraele va dzunisa HOSI Xikwembu hi risimu leri nge: “Ndzi ta yimbelela ndzi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.

Pisalema 107:21

A va nkhense rirhandzu ra HOSI Xikwembu, ni mahlori lawa xi ma endlelaka vanhu.

Pisalema 107:15

A va nkhense rirhandzu ra HOSI Xikwembu, ni mahlori lawa xi ma endlelaka vanhu,

Pisalema 107:8

A va nkhense rirhandzu ra HOSI Xikwembu, ni mahlori lawa xi ma endlelaka vanhu,

Pisalema 101:1

We HOSI, ndzi lava ku yimbelela risimu ndzi ku dzunisa, ndzi twarisa ku tshembeka ka wena ni ku lulama ka wena;

Pisalema 89:26

Yena ú ta ku ka mina: ‘U tata wa mina ni Xikwembu xanga, khokholo leri ndzi tumbelaka eka rona!’

Nhlavutelo 14:3

Va yimbelela leswi fanaka ni risimu lerintshwa, va ri emahlweni ka xiluvelo ni le mahlweni ka swivumbiwa leswi hanyaka swa mune, ni le mahlweni ka vakulukumba. A ku ri hava ni un'we la kotaka ku dyondza risimu ra kona ehandle ka lava va 144 000, lava kutsuriweke emisaveni.

2 TIKRONIKA 20:28

Loko va fika eYerusalema, va kongoma eTempeleni va ri karhi va chaya tiharipa ni switende, va ba ni tinanga.

Pisalema 18:47

Hi xona Xikwembu lexi xi ndzi rihiselaka, lexi sindzisaka matiko ku va ehansi ka mina.