Pisalema 94:6 - BIBELE Mahungu Lamanene

⁶ Va dlayetela tinoni ni valuveri, va herisa ni lava pfumalaka vatswari,

Xitsonga (Bibele)

⁶ Va dlaya nsati wa noni ni n'eni, Va lovisa swisiwana.

Pisalema 94:6 Referans Kwoze

Esaya 10:2

Va ala ku lwela vapfumari ehubyeni, va tekela swisiwana swa tiko ra mina leswi nga swa swona; hi ndlela leyi, va phangha swa tinoni, ni swa lava pfumalaka vatswari.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Ezekiele 22:7

Exikarhi ka vanhu va wena, vatswari a va ha xiximiwi, valuveri va xanisiwa ngopfu, tinoni ni lava feriweke hi vatswari va tshikeleriwa.

Yeremiya 7:6

Mi nga xanisi valuveri, ni lava feriweke hi vatswari, ni tinoni. Exivandleni lexi mi nga tshuki mi dlaya vanhu lava nga riki na nandzu. Naswona tshikani ku landzelela swikwembu swa hava leswi swi mi vangelaka makhombo.

Yeremiya 22:3

Mina HOSI ndzi ri, avanyisani timhaka hi ku lulama ni ku tshembeka. Lava tekeriweke swilo swa vona, va kutsuleni eka lava va va xanisaka; naswona mi nga tshuki mi karhata kumbe ku tshikelela valuveri, ni vana lava feriweke hi vatswari, ni tinoni; n'wina mi tshamaka exivandleni lexi, mi nga tshuki mi dlaya vanhu lava nga riki na nandzu.