Pisalema 94:16 - BIBELE Mahungu Lamanene

¹⁶ Xana i mani loyi a nga yimaka na mina a lwa ni lavo homboloka xana? Loyi a nga ndzi seketelaka a lwa ni lavo biha i mani xana?

Xitsonga (Bibele)

¹⁶ I mani la nga ta ndzi lwela eka lavo biha? Ni ku ndzi pfuna emahlweni ka vadyohi?

Pisalema 94:16 Referans Kwoze

Vaavanyisi 5:23

“Ntsumi ya HOSI Xikwembu yi ku: ‘Rhuketelani muti wa Merozo, vaaki va wona, va rhuketeleni swinene, hikuva a va tanga ku ta yima na HOSI Xikwembu, a va xi lwelanga kukota tinhenha.’

3 Yohane 1:8

Hikokwalaho, swa hi fanela ku seketela vanhu vo fana na vona, leswaku hi ta va lava tirhisanaka na vona entiyisweni.

Matewu 12:30

Loyi a nga yimiki na mina, ú lwa na mina; kutani loyi a nga hlengeletiki na mina, wa hangalasa.

Ezekiele 22:30

Ndzi lavile munhu exikarhi ka vona loyi a nga akaka khumbi, a yima exikarhi ka mina na vona a va sirhelela leswaku ndzi nga herisi tiko, kambe a ndzi n'wi kumanga.

Yeremiya 5:1

HOSI Xikwembu xi ri: “Rhendzelekani hi magondzo ya Yerusalema, mi xiyaxiya leswi humelelaka. Lavisisani etimbaleni ta muti, kutani loko mi nga tshuka mi kuma munhu la tsakelaka ntiyiso ni ku endla leswi lulameke, mina ndzi ta rivalela Yerusalema.

Esaya 63:5

Ndzi lavile matlhelo hinkwawo, ndzi nga kumi loyi a nga ndzi pfunaka; ndzi hlamarile ku vona leswaku a ku ri hava vo ndzi seketela; hiloko ndzi tirha hi matimba ya mina, ndzi tiseketela hi vukari bya mina.

Esaya 59:16

HOSI Xikwembu xi swi vonile ni leswaku a ku na munhu loyi a tiyimiseleke ku pfuna van'wana, xi hlamarile ku vona leswaku a ku na loyi a lamulelaka vanhu va xona; hikokwalaho, xi ta ya hi xoxe, xi ya lwa xi hlula, xi komba leswaku hi xona mulamuleri.

Pisalema 59:2

ndzi lwele eka lava endlaka leswo homboloka, u ndzi kutsula eka lava tsakelaka ku halata ngati.

Pisalema 17:13

Suka u yima, we HOSI! Va hlanganise, u va wisela ehansi. Ndzi lwele hi fumu ra wena eka vanhu lava vo homboloka.

Nehemiya 5:7

Hiloko ndzi tiehleketa, kutani ndzi holovela varhangeri ni tindhuna, ndzi ku ka vona: “N'wina mi lava ntswalo wo tala loko mi lomba vamakwenu swilo.” Kutani ndzi va hlengeleta hinkwavo ndzi va holovela

2 TIHOSI 10:15

Loko Yehu a suka kwalaho, a ya hlangana na Yonadabu n'wana Rekabi, loyi a a ri karhi a ta ku ta n'wi hlanganisa, kutani Yehu a n'wi xeweta ni ku n'wi vutisa, a ku: “Xana u yima na mina hi mbilu, kukota leswi mina ndzi yimaka na wena ke?” Yonadabu a hlamula a ku: “Swi tano.” Yehu a ku: “Hiswona, ndzi nyike voko.” A n'wi nyika voko, kutani Yehu a n'wi khandziyisa ekalichini.

2 TIHOSI 9:32

Yehu a languta henhla efasitereni, a huwelela a ku: “Xana i mani la yimaka na mina, i mani xana?” Valanguteri va nga ri vangani va le ntsindza va n'wi hlometela hi le fasitereni.

Tinhlayo 10:35

Minkarhi hinkwayo loko Areka yi suka, Muxe a a ku: “We HOSI, pfuka u hangalasa valala va wena, u hlongorisa ni lava va ku vengaka!”

Pisalema 118:6

A ndzi chavi nchumu, hikuva HOSI Xikwembu xi na mina, xana munhu a nga ndzi endla yini xana?