Pisalema 94:15 - BIBELE Mahungu Lamanene

¹⁵ Ku lulama ku ta tlhela ku va kona etihubyeni, vanhu hinkwavo lavo lulama va ta ku seketela.

Xitsonga (Bibele)

¹⁵ Hikuva ku avanyisa ku ta tlhelela eku lulameni, Kutani hinkwavo va timbilu to lulama va ta ku khensa.

Pisalema 94:15 Referans Kwoze

Mikiya 7:9

Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.

Pisalema 97:2

HOSI Xikwembu xi rhendzeriwe hi mapapa ya ntima ni munyama, masungulo ya vuhosi bya xona i nawu ni ku lulama.

Pisalema 37:34

Tshemba HOSI Xikwembu, u famba endleleni ya xona, xi ta ku tlakusa xi ku nyika tiko, kutani u ta hlalela ku herisiwa ka lavo homboloka.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”

Pisalema 9:16

HOSI yi titivisile, hi ku avanyisa ka yona loku lulameke: Lavo homboloka va phasiwile hi swiendlo swa vona vinyi.

Ntirho 35:14

Kutani xi nga ku vonisa ku yini wena ke, leswi u vulaka leswaku a wu xi voni, ni leswaku wa ha yimela xona ku tsema mhaka ya wena!

Esaya 42:3

Rihlanga leri khinyekeke, a nga ka a nga ri tshovi, ni rivoni leri ngo keti-keti, a nge ri timi; ú ta va la tshembekeke, loyi a tisaka ku lulama.

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.