Pisalema 93:5 - BIBELE Mahungu Lamanene

⁵ Swileriso swa wena swi tiyile we HOSI, Tempele ya wena yi fanele ku hlawuleka minkarhi hinkwayo.

Xitsonga (Bibele)

⁵ Vumbhoni bya wena bya tshembeka ngopfu; Ku kwetsima ku fanele yindlu ya wena, Oho Yehovha! Hi laha ku nga heriki.

Pisalema 93:5 Referans Kwoze

Pisalema 119:111

Switsundzuxo swa wena, ndza swi amukela minkarhi hinkwayo, hi swona swi ndzi tsakisaka.

Pisalema 119:129

Switsundzuxo swa wena swi tsakisa ngopfu, hikokwalaho ndzi swi hlayisa embilwini yanga.

Pisalema 29:2

dzunisani ku kwetsima ka vito ra xona, mi xi nkhinsamela mi ambarile swiambalo leswo hlawuleka.

Levhitika 19:2

ku ya tivisa ntshungu hinkwawo wa Vaisraele marito ya xona lama nge: “Hlawulekani, hikuva ndzi hlawulekile mina HOSI, Xikwembu xa n'wina.

Pisalema 119:144

Switsundzuxo swa wena swi lulamile minkarhi hinkwayo; ndzi nyike vutlhari, ndzi ta hanya.

Pisalema 119:138

Switsundzuxo swa wena, u hi nyikile swona hi ku lulama ni ku tshembeka lokukulu.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Pisalema 99:9

Twarisani HOSI Xikwembu xa hina, xi nkhinsameleni entshaveni ya xona leyo hlawuleka, hikuva xona xi kwetsimile.

Pisalema 99:5

Twarisani HOSI Xikwembu xa hina, xi nkhinsameleni laha xi tikombaka kona. HOSI Xikwembu hi xona ntsena xi kwetsimeke!

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Yohane 4:24

Xikwembu i moya; kutani lava xi gandzelaka, va fanele ku xi gandzela hi moya ni ntiyiso.”

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Eksoda 28:36

“Mi ta fula nsuku lowo tenga wu va xiphepherhele, eka xona mi kevetla marito lama nge: ‘La hlawuleriweke HOSI’, ku fana ni loko ku kevetliwa mfungho.

2 TIKRONIKA 29:5

kutani a ku ka vona: “N'wina va ka Levhi, yingisani swinene! Mi fanele ku tibasisa, mi basisa ni yindlu ya HOSI, Xikwembu xa vatata wa n'wina, mi susa swilo swa manyala leswi nga xivandleni xa yona lexo hlawuleka.

Ezekiele 43:12

Nawu wa Tempele hi lowu: Ndhawu ya yona hinkwayo ehenhla ka ntshava, a yi ve leyi hlawulekeke swinene, matlhelo hinkwawo. Lowu hi wona nawu wa Tempele!”