Pisalema 92:5 - BIBELE Mahungu Lamanene

⁵ We HOSI, mintirho ya wena a hi ku kula ka yona! Miehleketo ya wena yi entile ngopfu!

Xitsonga (Bibele)

⁵ A hi ku kula ka mitirho ya wena, Yehovha! Ni miehleketo ya wena yi entile swonghasi!

Pisalema 92:5 Referans Kwoze

Pisalema 40:5

We HOSI Xikwembu xanga, u andzisile mintirho ya wena leyo hlamarisa, ni makungu ya wena ehenhla ka hina. Ku hava munhu loyi a nga ringanisiwaka na wena, mintirho ya wena ndzi nge yi vuli hinkwayo, i ntsandza-vahlayi!

Pisalema 139:17

We Xikwembu, makungu ya wena ma ndzi tsakisa ngopfu, ntsengo wa wona i ntsandza-vahlayi;

1 Vakorinto 2:10

Kambe Xikwembu xi hi pfuletele swilo leswi hi Moya; hikuva Moya wu lavisisa hinkwaswo, hambi swi ri swihundla leswi enteke swa Xikwembu.

Pisalema 111:2

Mintirho ya HOSI Xikwembu a hi ku kula ka yona, hinkwavo lava va yi tsakelaka, va yi anakanya.

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Esaya 28:29

Vutivi lebyi hinkwabyo byi huma eka HOSI ya matimba hinkwawo, yona mutsundzuxi wo hlamarisa, loyi a nga ni vutlhari lebyi tlulaka swilo hinkwaswo.

Pisalema 104:24

We HOSI Xikwembu, mintirho ya wena a hi ku tala ka yona, hinkwayo u yi endlile hi vutlhari, misava yi tele hi leswi u swi vumbeke.

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

Yeremiya 23:20

Vukari bya HOSI Xikwembu a byi nga rheleli, xi ko xi hetisa leswi xi swi boheke emakungwini ya xona. Eminkarhini leyi taka, hi kona mi nga ta swi vona, mi swi twisisa swinene.

Eklesiasta 7:24

Ntumbuluko hinkwawo i xihundla eka mina, swa wona swi entile ngopfu, swi nga hlamuseriwa hi mani ke?

Pisalema 36:6

Ku lulama ka wena ku fana ni tintshava letikulu, ku avanyisa ka wena ku entile kukota swidziva swa lwandle, we HOSI, u hlayisa vanhu ni swiharhi.

Pisalema 64:6

Va boha makungu walawo, kutani va ku: “Hinkwaswo swi hetisekile, hi endlile hi vutlhari lebyikulu!” Leswi nga miehleketweni ya munhu a hi ku enta ka swona!