Pisalema 92:12 - BIBELE Mahungu Lamanene

¹² Lavo lulama va ta mila kukota ncindzu, va ta kula ku fana ni murhi wa kedari wa le Lebanoni.

Xitsonga (Bibele)

¹² Lava lulameke va mila kukota murhi wa ncindzu, Va kula kukota murhi wa kedari ya Lebanoni.

Pisalema 92:12 Referans Kwoze

Pisalema 1:3

Ú fana ni murhi lowu mileke etlhelo ka mati lama khulukaka, lowu vekaka mihandzu ya wona hi nguva ya kona, lowu nga dzudzekiki matluka. Eka hinkwaswo leswi a swi endlaka, wa humelela.

Yeremiya 17:8

Ú fana ni murhi lowu milaka kusuhi ni nambu, lowu timitsu ta wona ti kumaka mati; murhi wa kona a wu chavi dyambu, matluka ya wona a ma vuni, enkarhini wa dyandza a wu omi, a wu tshiki ku veka mihandzu.

Pisalema 104:16

Mirhi leyikulu ya tikedari leyi u yi byaleke eLebanoni, we HOSI, yi tshama yi ri karhi yi cheletiwa.

Pisalema 52:8

Kambe mina ndzi fana ni murhi wa mutlhwari lowu milaka endlwini ya Xikwembu: Minkarhi hinkwayo ndzi tshemba rirhandzu ra xona.

Tinhlayo 24:6

Wonge i minkova leyo anama swinene, kumbe mintanga leyi nge ribuweni ra nambu; wonge i timhangani leti HOSI Xikwembu xi ti byaleke, kumbe mirhi ya kedari leyi mileke kusuhi ni mati.

Amosi 2:9

Kasi hi mina ndzi va heriseleke Vaamori, vanhu lava ringanaka ni mirhi ya kedari hi ku leha, lava tiyeke ku fana ni mirhi ya minkuhlu; ndzi mbumburhuxile mihandzu ya kona, ndzi tsema ni timitsu ta kona.

Esaya 65:22

A va nga aki ntsena, kutani ku tshama van'wana, a va nga rimi ntsena, van'wana va ta hi ku dya. Vanhu va mina va ta hanya nkarhi wo leha ku fana ni misinya, vahlawuriwa va mina va ta tiphina hi ku dya swa nyuku wa vona.

Pisalema 72:7

A ku ve ni ku lulama enkarhini wa ku fuma ka yena, ku rhula ku va kona ku kondza n'weti wu nga ha vonaki.

Esaya 55:13

Ematshan'wini ya mitwa, ku ta mila mirhi ya kipresi, mirhi ya mirta yi ta mila laha a ku ri ni swigatlu. Swilo leswi swi ta va xitsundzuxo eka mina HOSI, swi ta va mfungho lowu nga ta va kona hilaha ku nga heriki.”

1 TIHOSI 6:29

Emakhumbini hinkwawo ya swivandla swimbirhi leswo hlawuleka swa Tempele, Solomoni a vatla swifaniso swa tikerubu, a fanisa ni mirhi ya mincindzu ni swiluva leswi balekeke.

Pisalema 92:7

Lavo homboloka va nga rhumbuka kukota byanyi, hinkwavo lava endlaka leswo biha va nga humelela, kambe eku heteleleni va ta herisiwa va nyamalala.

1 TIHOSI 4:33

Ú hlamuserile ta misinya, ku sukela eka leyikulu tanihi mirhi ya kedari ya le Lebanoni, ku fikela eka leyitsongo yo fana ni swimidyana swa hisopa leswi milaka emakhumbini; naswona ú hlamuserile ta swiharhi ni swinyanyana, ni swikokovi, ni tinhlampfi.

Pisalema 148:9

Tintshava ni swintshabyana hinkwaswo, mirhi ya mihandzu na swona swihlahla,

Estere 9:5

Kutani Vayuda va hlasela valala va vona hinkwavo hi fumu, va va dlaya, va va herisela makumu, va endla leswi va swi lavaka ha vona.

Pisalema 37:34

Tshemba HOSI Xikwembu, u famba endleleni ya xona, xi ta ku tlakusa xi ku nyika tiko, kutani u ta hlalela ku herisiwa ka lavo homboloka.

Mikiya 7:10

Valala va hina va ta swi vona, kutani va ta nyuma, vona lava a va ku: “HOSI Xikwembu xa n'wina xi kwihi xana?” Vanhu lava va ta kandziyeriwa ku fana ni ndzhope emagondzweni, hina hi ta languta kunene.