Pisalema 92:10 - BIBELE Mahungu Lamanene

¹⁰ Kambe mina u ndzi nyikile matimba ya nyarhi, u ndzi totile mafurha layo nun'hwela enhlokweni.

Xitsonga (Bibele)

¹⁰ U tlakusa rimhondzo ra mina kukota ra nyarhi; Ndzi totiwile hi mafurha lamantshwa ya munyatsi.

Pisalema 92:10 Referans Kwoze

Pisalema 23:5

U ndzi endlela nkhuvo valala va mina va langutile; u ndzi chela mafurha yo nun'hwela enhlokweni, ni ndzheko wa mina wa khapa.

Pisalema 89:17

Hakunene we HOSI, wa hi tiyisa hi ndlela yo hlamarisa, hosi ya tiko ra hina ya dzuneka, hikuva wa yi tsakela.

Pisalema 45:7

U rhandza ku lulama, u venga ku homboloka, hikokwalaho Xikwembu, xona Xikwembu xa wena, xi ku chele mafurha enhlokweni hi siku ra nkhuvo, xi ku hlawula eka tihosi tin'wana.

2 Vakorinto 1:21

Kambe i Xikwembu lexi nyikaka hina na n'wina ku tshemba loku tiyeke eka Kriste; hi xona xi hi rhwexeke ntirho lowu.

Pisalema 75:10

Xikwembu xi ri: “Ndzi ta herisa matimba ya lavo homboloka, kambe lavo lulama, ndzi ta va engetelela ntamu.”

1 Yohane 2:20

Kambe n'wina mi cheriwile Moya hi loyi a kwetsimaka, kutani hinkwenu mi ni vutivi.

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

1 SAMIELE 2:10

“Valala va HOSI va ta rhurhumela, HOSI yi ta va balesa hi rihati yi ri etilweni. HOSI yi ta avanyisa matlhelo hinkwawo ya misava: yi ta nyika ntamu eka mufumi wa tiko ra yona; yi tiyisa matimba ya Muhlawuriwa wa yona.”

Pisalema 89:24

Ku tshembeka ka mina ni rirhandzu ra mina swi ta n'wi seketela; loko a twa vito ra mina u ta tiya nhlana.

1 SAMIELE 2:1

Kutani Hana a khongela a ku: “Mbilu ya mina yi kumile ku tsaka eka HOSI, matimba ya mina ma pfuxiwile hi Xikwembu xanga. Nomo wa mina wu sandza valala va mina, ndzi tsakile hikuva HOSI yi ndzi ponisile.

Tinhlayo 24:8

Xikwembu xi va humesile etikweni ra Egipta; loko va ri na xona, va tiyile ku fana ni tinyarhi; va ta herisa matiko lama lwaka na vona, va tshovelela marhambu ya valala va vona, va va tlhavetela hi miseve.

Pisalema 132:17

Ndzi ta tiyisa kona vuhosi bya Davhida, ndzi vona leswaku muhlawuriwa wa mina a nga tekeriwi byona.

Tinhlayo 23:22

Xikwembu xi va humesile etikweni ra Egipta, kutani loko va ri na xona, va tiyile ku fana ni tinyarhi.

Pisalema 148:14

Xi tiyisile Vaisraele vanhu va xona, vona hinkwavo lava va xi tshembaka, kutani va tidzunisa ha swona, hikuva xi le kusuhi na vona. Dzunisani HOSI!

Luka 1:69

xi hi pfuxele Muponisi wa matimba erixakeni ra Davhida nandza wa xona;

Vaavanyisi 5:31

“Wena HOSI Xikwembu, valala va wena a va lovise sweswo, kambe lava va ku rhandzaka a va ve ni ntamu ku fana ni dyambu loko ri tlhava.” Kutani ku va ni ku rhula etikweni ku ringana malembe ya 40.

Pisalema 18:15

Ehansi ka lwandle, ka vonaka, siku u karihelaka valala va wena, we HOSI; masungulo ya misava ma fununguriwa, siku vukari bya wena byi bulukaka.

Pisalema 101:8

Siku rin'wana ni rin'wana ndzi ta herisa lavo homboloka etikweni, ndzi hlongola lava endlaka leswo biha, va suka emutini wa HOSI Xikwembu.

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!