Pisalema 92:1 - BIBELE Mahungu Lamanene

¹ We HOSI, a hi ku tsakisa ka swona ku ku nkhensa ni ku twarisa vito ra wena hi tinsimu, wena la nge henhla-henhla;

Xitsonga (Bibele)

¹ Ku dzunisa Yehovha, i mhaka leyo saseka, Ni ku twarisa vito ra wena, La nge henhlahenhla,

Pisalema 92:1 Referans Kwoze

Pisalema 147:1

Dzunisani HOSI! Ku dzunisa Xikwembu xa hina hi risimu a hi ku saseka! Swa tsakisa ku xi twarisa hilaha swi fanelaka hakona.

Pisalema 107:1

Tlangelani HOSI, hikuva yi ni vunene, rirhandzu ra yona hi leri nga heriki.

Vaefesa 5:19

Khongotelanani hi tipisalema ni tinsimu, mi yimbelela swa Moya; twarisani Hosi hi tinsimu ni tipisalema, mi yi dzunisa hi timbilu ta n'wina hinkwato.

Pisalema 135:3

Dzunisani HOSI Xikwembu, hikuva xi ni vunene, yimbelelani mi twarisa vito ra xona, hikuva xi rhandzeka ngopfu.

Pisalema 33:1

Yimbelelani mi twarisa HOSI, n'wina lava lulameke, n'wina mi yingisaka HOSI, swa mi fanela ku yi dzunisa!

Pisalema 73:28

Loko ndzi ri mina, ndzi tsakela ku va kusuhi na wena we Xikwembu, we HOSI N'wini wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

Pisalema 107:8

A va nkhense rirhandzu ra HOSI Xikwembu, ni mahlori lawa xi ma endlelaka vanhu,

Pisalema 52:9

Ndzi ta ku nkhensa hilaha ku nga heriki we Xikwembu, hikuva u tirhile. Ndzi ta twarisa vito ra wena, hikuva ri lulamile emahlweni ka lava va ku khongelaka.

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Pisalema 107:15

A va nkhense rirhandzu ra HOSI Xikwembu, ni mahlori lawa xi ma endlelaka vanhu,

Pisalema 54:6

Ndzi ta ku humesela magandzelo hi ku titwa; we HOSI, ndzi ta dzunisa vito ra wena, hikuva u lulamile.

Pisalema 92:8

We HOSI, hi wena u fumaka minkarhi hinkwayo.

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Pisalema 82:6

“Ndzi vurile leswaku n'wina mi swikwembu, ni leswaku hinkwenu mi vana va Loyi a nge henhla-henhla.

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Vaheveru 4:9

Hikokwalaho, ku wisa ka ha ri kona eka vanhu va Xikwembu.