Pisalema 91:3 - BIBELE Mahungu Lamanene

³ Hi xona Xikwembu lexi nga ta ku ponisa entlhan'wini lowu rhiyiweke emahlweni ka wena, ni le ntungwini lowu wu hetaka vanhu.

Xitsonga (Bibele)

³ Hi yena la ku tshunxaka entlhan'wini wa muhloti, Ni le ntungwini lowu herisaka.

Pisalema 91:3 Referans Kwoze

Pisalema 124:7

Hi chupukile tanihi nyanyana leyi phonyokeke entlhan'wini wa varhiyi. Xirimbana xa vona xi hi hupile, kutani hi ponile!

Pisalema 141:9

Ndzi ponise eka xirimbana lexi va ndzi rhiyeke ha xona, u ndzi phonyokisa emintlhan'wini ya lava endlaka leswo biha.

Swivuriso 7:23

ku kondza nseve wu yi tlhava wu ya fika emarumbyini. Ri fana ni xinyanyana lexi phatsamaka evurimbeni, xi nga swi tivi leswaku xi ta lahlekeriwa hi vutomi.

Swivuriso 6:5

hatlisa u phonyoka, ku fana ni mhala leyi chupukelaka muhloti, ni nyanyana leyi tsemaka rigoda.

Eklesiasta 9:12

Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

2 Timotiya 2:26

Kutani va nga kota ku pona entlhan'wini wa Diyavulosi, loyi a va khomeke ku va endlisa ku rhandza ka yena.

1 Timotiya 6:9

Kambe lava navelaka rifuwo, va wela endzingweni, emintlhan'wini ya ku navela leswo tala leswi nga pfuniki nchumu, ku nga ku navela loku ku dlayisaka vanhu, ni ku va peta ekhombyeni ni le ku loveni.

Amosi 3:5

Xana xinyanyana xi nga ya phatsama entlhan'wini, ku nga ri na ndzhoho ke? Xana ntlhamu wu ngo na swi pfuketana wo wachuka, wu nga wachutiwanga ke?

Hosiya 9:8

Mina muprofeta ndzi murindzi wa va ka Efrayimi, vona vanhu va Xikwembu xa mina; hambiswiritano, ndzi rhiyiwa hi mintlhamu etindleleni ta mina hinkwato, etikweni ra Xikwembu xa mina, va ndzi venga.

Pisalema 91:6

a wu nga chavi mavabyi lama ku ongaka exinyamini, hambi swi ri switlhavi leswi dlayaka dyambu xi lo hosi!

2 SAMIELE 24:15

Kutani HOSI Xikwembu xi rhumela ntungu etikweni ra Israele. Ku sukela nimpundzu ku ya fikela nkarhi lowu a xi wu vekile, ku fa vavanuna va 70 000, ku sukela eDani ku ya fika eBerexeba.

1 TIHOSI 8:37

“Nkarhi wun'wana, tiko ri nga wela hi dyandza kumbe ntungu, swimila swi tshwa hi mumu, kumbe swi dyiwa hi mati, kumbe swi hlaseriwa hi tinjiya ni mbhindzula; nkarhi wun'wana, Vaisraele va ta rhendzeriwa hi valala emindzilekaneni ya tiko ra vona, kumbe va ta wela hi mintungu ni mavabyi ya tinxaka-xaka.

Pisalema 68:21

Xikwembu xi ta fayetela tinhloko ta valala va xona, xi guvula misisi ya lava yaka emahlweni ni ku dyoha.