Pisalema 91:2 - BIBELE Mahungu Lamanene

² ú xi dzunisa a ku: “U khokholo leri ndzi tumbelaka eka rona, u Xikwembu xa mina lexi ndzi xi tshembaka.”

Xitsonga (Bibele)

² Ndzi ku eka Yehovha: “U xichavelo ni khokholo ra mina, U Xikwembu xa mina, lexi ndzi xi tshembaka!”

Pisalema 91:2 Referans Kwoze

Pisalema 18:2

HOSI i vutumbelo bya mina, i khokholo ranga ni mukutsuri wanga, i Xikwembu xa mina, ni ribye ranga leri ndzi tumbelaka eka rona; i xitlhangu xa mina, lexi nga ni matimba ya ku ndzi ponisa, naswona i khokholo ra mina.

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Pisalema 142:5

We HOSI, ndzi huwelela eka wena, ndzi ri: U khokholo ra mina. Ehandle ka wena a ndzi na lexi ndzi xi hanyelaka.

Pisalema 46:1

Xikwembu i khokholo ra hina leri tiyeke; vanhu lava nga khombyeni, xi hatla xi va pfuna.

Pisalema 71:3

u va ribye ro tiya leri ndzi tumbelaka eka rona, leri u ri lulamiseke leswaku ndzi hlayiseka eka rona. Hakunene, hi wena ribye ra mina ni khokholo ranga.

Pisalema 14:6

N'wina mi ringetaka ku pfala tindlela ta swisiwana, tivani leswaku HOSI Xikwembu i khokholo ra swona.

Pisalema 91:9

Hakunene HOSI Xikwembu i khokholo ra wena, u vekile vutshamo bya wena eka Loyi a nge henhla-henhla.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Genesa 17:7

Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

Luka 20:38

Hikokwalaho a hi Xikwembu xa lava feke, kambe i xa lava hanyaka; hikuva, eka xona, hinkwavo va hanya.”

Yeremiya 31:1

HOSI Xikwembu xi ri: “Enkarhini wa kona, ndzi ta va Xikwembu xa Vaisraele hinkwavo, kutani vona va ta va vanhu va mina.

Pisalema 43:4

Kutani ndzi ta fika alitarini ya wena, we Xikwembu lexi xi ndzi nyikaka ku tsaka; ndzi ta yimbelela ndzi ku dzunisa hi swichaya-chayani, wena u nga Xikwembu xanga.

Pisalema 18:3

A ku dzunisiwe HOSI! Ndzi huwelela eka yona, kutani ndzi ponisiwa eka valala va mina.

Pisalema 25:2

We Xikwembu xanga, ndzi tshembile wena; u nga pfumeli leswaku ndzi khomiwa hi tingana, u nga ndzi tshiki ndzi hundzuka xihlekiso eka valala va mina.

Pisalema 31:15

Minkarhi hinkwayo ndzi hlayisiwa hi wena, hikokwalaho ndzi kutsule emavokweni ya valala va mina ni ya lava va ndzi xanisaka!

Pisalema 46:2

Hikokwalaho hi nga ka hi nga rhurhumeli, hambiloko misava yi nga hundzuka, kumbe tintshava ti ninginika ti wela elwandle;

Pisalema 61:5

We Xikwembu, u yingisile xikombelo xa mina, hikuva u ndzi nyikile ndzhaka, va nga vanhu lava chavaka vito ra wena.

Pisalema 142:6

Rhiya ndleve u twa xirilo xa mina, hikuva ndzi tsongahatiwile ngopfu. Ndzi lamulele eka lava va ndzi hlongorisaka, hikuva va ndzi tlula hi matimba.