Pisalema 91:13 - BIBELE Mahungu Lamanene

¹³ U ta kandziyela nghala ni xivatlankombe, u phyandlasela vana va nghala ni tinyoka.

Xitsonga (Bibele)

¹³ U ta kandziyela nghala ni mhiri, U ta phyandlasa xinghalana ni ngwenya.

Pisalema 91:13 Referans Kwoze

Luka 10:19

Vonani, ndzi mi nyika matimba ya ku kandziyela tinyoka ni swipame, ni ya ku hlula ntamu hinkwawo wa Nala; kutani a ku na nchumu lowu nga ta mi vavisa.

Daniele 6:22

Xikwembu xa mina xi rhumile ntsumi ya xona yi ta siva milomo ya tinghala, kutani a ti ndzi endlanga nchumu, hikuva xi ndzi kumile ndzi nga ri na xisandzu emahlweni ka xona; hambi ku ri emahlweni ka wena hosi, a ndzi endlanga nchumu xo biha.”

Marka 16:18

va ta khoma tinyoka hi mavoko; kutani hambi va nga nwa leswi dlayaka, swi nga ka swi nga va endli nchumu; va ta tlhandleka mavoko ehenhla ka lava vabyaka, va va hanyisa.”

1 SAMIELE 17:37

Davhida a engeta a ku: “HOSI Xikwembu lexi ndzi poniseke emin'waleni ya tinghala ni ya swinkankanka, xi ta ndzi ponisa emavokweni ya Mufilista loyi!” Hiloko Sawulo a ku ka Davhida: “Hiswona, famba, HOSI Xikwembu a xi ve na wena!”

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Varhoma 16:20

Xikwembu lexi nyikaka ku rhula, xi ta hatla xi pfotlosela Santhana ehansi ka milenge ya n'wina. Tintswalo ta Hosi ya hina Yesu, a ti ve na n'wina!

Esaya 27:1

Enkarhini wolowo, HOSI Xikwembu xi ta teka fumu ra xona lero nonon'hwa, rona lerikulu ra matimba, xi ba Levhiyatani nyoka leya rivilo, leyo tshombonyoka-tshombonyoka; xi ta dlaya na dragona nyoka ya le lwandle.

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

Pisalema 58:4

Va ni vuxungu ku fana ni nyoka, va fana ni mhiri yo fa tindleve,

Varhoma 3:13

Minkolo ya vona i masirha lama ahlameke, hi tindzimi ta vona va tolovele ku xisa, vuxungu bya timhiri byi le milon'wini ya vona,

Ntirho 5:23

Wena ni maribye ya nhova, mi ta twanana, hambi swi ri swiharhi leswo leva, u ta hanyisana na swona hi ku rhula.