Pisalema 91:1 - BIBELE Mahungu Lamanene

¹ Munhu loyi a sirheleriwaka hi HOSI Xikwembu xa le henhla-henhla, loyi a wisaka endzhutini wa Xikwembu lexi nga ni matimba hinkwawo,

Xitsonga (Bibele)

¹ La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

Pisalema 91:1 Referans Kwoze

Pisalema 32:7

We HOSI, ndzi tumbela eka wena, u ndzi sirhelela emakhombyeni; leswi u ndzi sirheleleke ni ku ndzi lwela, ndzi ta ba nkulungwana wa ntsako.

Pisalema 27:5

Esikwini ra khombo, HOSI yi ta ndzi tumbeta entsongeni wa yona, yi ta ndzi fihla endzeni ka yindlu ya yona; yi ndzi veka ehenhla ka ribye lerikulu.

Pisalema 36:7

We Xikwembu, rirhandzu ra wena lero tshembeka ri tsakisa ngopfu, vanhu hinkwavo va tumbela ehansi ka timpapa ta wena.

Pisalema 17:8

Ndzi hlayise tanihi ndzololo ya tihlo ra wena, ndzi tumbete endzhutini wa timpapa ta wena,

Pisalema 31:20

U va sirhelela laha u nga kona, kule ni lava bohaka makungu layo biha; u va sirhelela entsongeni wa wena, kule ni lava va va rhuketelaka.

Esaya 25:4

We HOSI, u khokholo ra swisiwana, vapfumari va tumbela eka wena loko va ri khombyeni, u xisirhelelo xa vona esikwini ra xidzedze, esikwini ra mumu, u ndzhuti wa vona. Vukari bya vanhu va tihanyi byi fana ni xidzedze lexi baka khumbi,

Pisalema 121:5

HOSI Xikwembu xi ta ku hlayisa, xi ta va kusuhi na wena xi ku lwela.

Esaya 32:2

Varhangeri lava hinkwavo va ta fana ni xivava xo sivela moya, ni ndhawu yo tumbela ka yona sikwini ra xidzedze; va ta fana ni swinambyana swa mati endhawini leyi omeke, ni ndzhuti wa ribye lerikulu etikweni ra mumu.

Pisalema 90:1

We N'wini wa hina, ku sukela eminkarhini ya vakokwa wa hina, hi kumile vutshamo eka wena.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Swirilo 4:20

Muhlawuriwa wa HOSI Xikwembu, yena mufambisi wa hina, va n'wi khomile ku fana ni xiharhi lexi weleke ekheleni, kasi a hi languterile leswaku ú ta hi sirhelela exikarhi ka vamatiko.

Pisalema 52:8

Kambe mina ndzi fana ni murhi wa mutlhwari lowu milaka endlwini ya Xikwembu: Minkarhi hinkwayo ndzi tshemba rirhandzu ra xona.

Pisalema 25:13

Munhu wo tano ú ta tshama emafurheni, ni vana va yena va ta kuma tiko ri va ra vona.

Risimu ra Tinsimu 2:3

Exikarhi ka majaha, murhandziwa wa mina ú fana ni murhi wa muapula lowu nga swihlahleni. Ndzi tshamile hi ntsako lowukulu endzhutini wa wona, mihandzu ya wona ya ndzi nandzihela.

Ezekiele 11:16

Hikokwalaho byela Vaisraele leswaku hakunene hi mina HOSI N'wini wa vona loyi a va hangalaseke, ni ku va yisa kule ematikweni ya vanhu vambe; hambiswiritano malembenyana lawa a ndzi tshikanga ku va Tempele ya vona mina n'wini.

Esaya 8:14

Ndzi ta va xivandla lexo hlawuleka, tlhelo ribye leri nga ta khugula ni ku wisa vanhu va tiko ra Yuda ni ra Yerusalema; ndzi ta va ntlhamu ni xirimbana lexi nga ta phasa vaaki va muti wa Yerusalema.

Vaavanyisi 9:15

Kutani ximudyana xa mitwa xi hlamula mirhi leyin'wana xi ku: ‘Loko hakunene mi ndzi hlawula ku va hosi ya n'wina, tanani mi ta tumbela endzhutini wa mina; kambe loko mi nga ndzi hlawuli hi timbilu ta n'wina hinkwato, ku ta pfurha ndzilo wu huma ka mina, wu herisa ni mirhi ya kedari entshaveni ya Lebanoni.’ ”