Pisalema 90:8 - BIBELE Mahungu Lamanene

⁸ U andlala ku homboloka ka hina emahlweni ka wena; swidyoho leswi hi swi endleke exihundleni, wa swi paluxa.

Xitsonga (Bibele)

⁸ U vekile emahlweni ka wena swivi swa hina, Ni ku dyoha ka hina loku fihliweke ku le ku vonakaleni ka mombo wa wena.

Pisalema 90:8 Referans Kwoze

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.

Eklesiasta 12:14

Xikwembu xi ta kambela ntirho wun'wana ni wun'wana, hambi wu ri lowu endliweke exihundleni, ku vona loko wu ri lowunene kumbe lowo biha.

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Pisalema 19:12

I mani loyi a nga vonaka swihoxo swa yena xana? Ndzi basise eka milandzu leyi tumbeleke.

Nhlavutelo 20:12

Naswona, ndzi vona vafi, lavakulu ni lavatsongo, va yimile emahlweni ka xiluvelo, kutani tibuku ti pfaluriwa. Ku pfaluriwa ni buku yin'wanyana, yi nga buku ya vutomi. Vafi va avanyisiwa hi leswi swi nga tsariwa etibukwini, hi ku ya hi leswi va swi endleke.

1 Yohane 3:20

Loko ripfalo ra hina ri hi avanyisa, hi tiva leswaku Xikwembu xi tlula ripfalo leri ra hina hi vukulu, naswona xi tiva hinkwaswo.

Pisalema 10:11

Hi mbilu, ú ri: “Xikwembu a xi na mhaka, a xi languti, xi nga ka xi nga swi voni.”

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Varhoma 2:16

swi ta va tano hi siku leri Xikwembu xi nga ta avanyisa swihundla swa vanhu ha Yesu Kriste, hilaha Evhangeli leyi ndzi yi dyondzisaka yi vulaka hakona.

Ezekiele 8:12

Xikwembu xi ku ka mina: “Xana wa swi vona, we Ezekiele, leswi vakulukumba va Israele va swi endlaka exihundleni xana? Loko va ri etindlwini ta vona ta swifaniso, va vula mina HOSI a ndzi va voni, ni leswaku ndzi tshikile tiko ra vona.”

Swivuriso 5:21

Tsundzuka leswaku HOSI Xikwembu xi languta mikhuva ya vanhu hinkwavo, xi kambisisa mintirho ya vona hinkwayo.

Pisalema 80:16

Valala va hina lava tsemeke ni ku hisa murhi lowu, va tshinye u va herisa hi vukari bya wena,

Pisalema 50:21

Swilo leswi mi swi endlile, kambe mina a ndzi hlamulanga nchumu; mi ehleketile leswaku ndzi yima na n'wina, kambe sweswi ndza mi tshinya, ndzi mi vona nandzu.

Ntirho 34:21

Hakunene xi kambisisa mahanyelo ya vanhu, xi vona ni mikhuva ya vona hinkwayo.

Levhitika 4:23

Loko a tivisiwa xidyoho lexi a xi endleke, ú fanele ku ta ni xiphongho lexi nga solekiki leswaku a ta humesa magandzelo ha xona,

Levhitika 4:28

Loko a tivisiwa xidyoho lexi a xi endleke, ú fanele ku ta ni mbuti ya thokazi leyi nga solekiki, a ta yi humesa yi va mhamba yo susa swidyoho swa yena,

Ntirho 10:14

Loko ndzi dyoha, u hatla u swi vona, u ala ni ku ndzi rivalela.

Pisalema 109:15

Swidyoho leswi a swi tshame emahlweni ka HOSI Xikwembu, swi nga suki, kambe Xikwembu a xi suse xivongo xa ka vona emisaveni!

Yeremiya 2:22

Hambi mi nga hlamba hi swisibi swa tinxaka-xaka, swivati swa milandzu ya n'wina swa ha to vonaka, ku vula mina HOSI N'wini wa n'wina!