Pisalema 90:16 - BIBELE Mahungu Lamanene

¹⁶ Ntirho wa wena a wu tikombe eka hina malandza ya wena, ni lava va ha taka a va hlalele ku dzuneka ka wena.

Xitsonga (Bibele)

¹⁶ Ntirho wa wena a wu vonakarise ka malandza ya wena, Ni ku kwetsima ka wena eka vana va vona!

Pisalema 90:16 Referans Kwoze

Habakuku 3:2

HOSI, mahungu ya ntirho wa wena ndzi ma twile, kutani wa ndzi chavisa, we HOSI. Pfuxa mintirho ya wena eminkarhini ya sweswi! Tikombe ni manguva lawa! Kambe, eku kariheni ka wena, u nga rivali ku tsetselela.

Pisalema 44:1

We Xikwembu, vatata wa hina va hi byerile leswi u swi endleke khale eminkarhini ya vona, hi swi twile hi tindleve ta hina:

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Pisalema 92:4

Ntirho wa wena we HOSI, wa ndzi tsakisa, ndzi ba nkulungwana ndzi tlangela mintirho ya mavoko ya wena.

Pisalema 77:12

A ndzi rivali leswi u swi endleke, mintirho ya wena hinkwayo ndza yi tsundzuka.

Yoxuwa 23:14

“Kutani sweswi, ndzi le kusuhi ni ku rhurha laha misaveni. Hinkwenu ma swi tiva etimbilwini ta n'wina ni le moyeni wa n'wina, leswaku ku hava ni xilo ni xin'we xa swilo hinkwaswo leswinene leswi HOSI Xikwembu xi tshembiseke swona, lexi xi nga humelelangiki. Hinkwaswo leswi xi tshembiseke swona swi hetisekile. A ku na xin'we lexi xi nga humelelangiki.

Duteronoma 1:39

Swihlangi swa n'wina leswi mi vuleke leswaku swi ta phanghiwa, ni vana va n'wina lava nga si tivaka swo biha ni swo saseka, vona va ta nghena etikweni; ndzi ta va nyika rona ri va ra vona.