Pisalema 9:6 - BIBELE Mahungu Lamanene

⁶ Valala va nyamalalele makumu, miti ya vona u yi hangalasile, ku sala marhumbi ntsena, yi nga ka yi nga ha tsundzukiwi hi munhu.

Xitsonga (Bibele)

⁶ Valala va herisiwile; ku onhaka ka vona ku herile. U onhile miti ya vona; ni vito ra vona ri herile na vona.

Pisalema 9:6 Referans Kwoze

Mikiya 7:8

N'wina valala va hina, mi nga tshuki mi tsaka leswi hi weke, hikuva hi ta tlhela hi pfuka; hi le xinyamini, kambe HOSI Xikwembu xi ta va xona ku vonakala ka hina.

Eksoda 14:13

Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi HOSI Xikwembu xi nga ta swi endla namuntlha ku mi ponisa. Vaegipta lava mi va vonaka namuntlha, a mi nga ha va voni kambe ni siku ni rin'we.

Nhlavutelo 20:2

Kutani yi khoma dragona, nyoka leya khale (hileswaku Diyavulosi, kumbe Sathana), yi n'wi boha nkarhi wo ringana malembe ya 1 000.

1 Vakorinto 15:26

Kutani nala lowo hetelela la nga ta herisiwa i rifu;

Mikiya 7:10

Valala va hina va ta swi vona, kutani va ta nyuma, vona lava a va ku: “HOSI Xikwembu xa n'wina xi kwihi xana?” Vanhu lava va ta kandziyeriwa ku fana ni ndzhope emagondzweni, hina hi ta languta kunene.

Yeremiya 51:25

We Babilona, yingisa! Mina HOSI ndzi ri u muonhi lonkulu, hi wena u onheke misava hinkwayo, kambe ndzi ta ku khoma entshaveni ya wena ndzi ku cukumeta, u vumbulukela emakocokocweni, kutani ndzi ku hundzula ntshava leyi tshweke.

Esaya 37:26

“ ‘Xana a wu swi twanga xana, wena Senakeribi, leswaku mina HOSI ndzi lulamisile timhaka leti ka ha ri khale, ni ku ti boha ku sukela minkarhini leyi hundzeke, xana? Kutani sweswi, makungu ya mina ma karhi ma humelela, swi nga leswi u swi endleke loko u herisa miti ya makhokholo, yi hundzuka marhumbi.

Esaya 14:17

Xana a hi yena loyi a endleke leswaku misava yi hundzuka mananga, a herisa ni miti, a ala ni ku ntshunxa vabohiwa, xana?’

Pisalema 46:9

Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

Pisalema 34:16

kambe xi lwa ni lava endlaka leswo biha, xi va herisa leswaku va nga ha tsundzukiwi laha misaveni.

Pisalema 8:2

u tiendlerile rirhangu hi milomo ya tindzumulo ni ya swihlangi swa le makatleni, u vhika ha yona lava lwaka na wena, u miyeta nala ni murihiseli.

Pisalema 7:5

nala loyi a a ndzi hlongorise a ndzi khoma, a wisela vutomi bya mina ehansi a byi kandziyela, a cukumeta ku dzuneka ka mina eritshurini.

2 TIHOSI 19:25

“ ‘Xana a wu swi twanga xana, wena Senakeribi, leswaku mina HOSI ndzi lulamisile timhaka leti ka ha ri khale, ni ku ti boha ku sukela eminkarhini leyi hundzeke, xana? Kutani sweswi makungu ya mina ma karhi ma humelela, swi nga leswi u swi endleke loko u herisa miti ya makhokholo, yi hundzuka marhumbi.

1 SAMIELE 31:7

Vaisraele lava a va ri en'walungwini wa rivala ra Yizriele ni le ntsungeni wa Yordani, va vona leswaku mavuthu ya Israele ma tsutsumile, ni leswaku Sawulo ni vana va yena va file. Hiloko va baleka, va sukela miti ya vona, kutani Vafilista va ta va ta tshama emitini ya kona.

1 SAMIELE 30:1

Loko Davhida ni vavanuna va yena va fika eSikilaga hi siku ra vunharhu, va kuma leswaku Vaamaleke a va nghenerile matlhelo ya le dzongeni etikweni ra Yuda, va hlasela ni muti wa Sikilaga, va wu phangha, va wu hisa hi ndzilo.

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Ntirho 18:17

Etikweni a nga ha tivi hi munhu, vito ra yena ri nyamalala evanhwini.

Pisalema 34:17

Loko lavo lulama va kombela ku pfuniwa, HOSI Xikwembu xa va twa, xi va kutsula emaxangwini ya vona hinkwawo.

Esaya 26:14

Vanhu volavo sweswi va file, va nga ka va nga ha pfuki; va celeriwile emasirheni, va nga ka va nga ha humi; hi wena HOSI u va yeleke, u va ba u va herisa, ku nga sali na un'we loyi vanhu va nga ta va tsundzuka ha yena.