Pisalema 9:5 - BIBELE Mahungu Lamanene

⁵ U tshinyile matiko, u lovisa lavo homboloka, mavito ya vona u ma herisela makumu.

Xitsonga (Bibele)

⁵ U tshinya vamatiko, u lovisa lavo homboloka, U hlangula mavito ya vona hi masiku, hilaha ku nga heriki.

Pisalema 9:5 Referans Kwoze

Swivuriso 10:7

Munhu wo lulama wa nkhensiwa, a nga rivariwi, kasi vito ra lowo homboloka ra bola.

Nhlavutelo 19:15

Enon'weni wa yena ku huma banga lero kariha, leri a nga ta tsema matiko ha rona, kutani ú ta ma fuma hi nhonga ya nsimbhi. Ú ta kandziyela xikamelo xa vhinya ya vukari lebyo chavisa bya Xikwembu lexi nga ni matimba hinkwawo.

Malakiya 4:3

Mina HOSI ya matimba hinkwawo ndzi ri: Siku leri ndzi nga ta avanyisa misava, lavo homboloka mi ta va kandziyela ku fana ni loko mi kandziyela nkuma.”

Duteronoma 9:14

sweswi ndzi tshike ndzi va herisa, ku nga sali na un'we wa mhamba laha misaveni, kutani wena ndzi ta ku endla tiko lerikulu ra matimba ku tlula vona.’

Swivuriso 13:9

Rivoni ra lavo lulama ri pfurha minkarhi hinkwayo, kambe ra lavo homboloka ri ta timeka.

Pisalema 149:7

Va ta fanela ku rihiseta leswi vamatiko va nga va endla swona, va tshinya vanhu lava.

Pisalema 79:10

U nga pfumeli leswaku vamatiko va hi hleka va ku: “Xi kwihi Xikwembu xa vona xana?” Va kombe hi ri karhi hi swi vona, leswaku u rihiseta ngati ya malandza ya wena leyi halatiweke.

Pisalema 78:55

Xikwembu xi hlongorile vamatiko va suka emahlweni ka Vaisraele, xi nyika Vaisraele tiko ra kona leswaku ri va ra vona; kutani va titshamele emitini ya kona hi ku ya hi tinyimba ta ka vona.

2 SAMIELE 17:23

Loko Ahitofele a vonile leswaku switsundzuxo swa yena a swi amukeriwanga, a bohelela xitshamu embhongolweni a gada, a ya ekaya karikwavo; a fika a lulamisa swa ndyangu wa yena hinkwaswo, kutani a tihinga, a fa; va ya n'wi lahla emasirheni ya vatata wa yena.

Pisalema 5:6

We HOSI, u herisa lava vulavulaka mavunwa, lava halataka ngati ni lava kanganyisaka, wa va nyenya.

Pisalema 2:1

Hikwalaho ka yini matiko ma pfuxa nkitsikitsi xana? Xana vanhu va tinxaka-xaka va kanelela yini makungu lama nga pfuniki nchumu xana?

1 SAMIELE 31:4

Hiloko a lerisa mutameri wa matlhari ya yena, a ku: “Hlomula fumu ra wena, u ndzi tlhava ha rona, hikuva ndzi chava leswaku vanhu lava nga yimbangiki lava, va nga ndzi dlaya, va tlhela va tlanga hi ntsumbu wa mina.” Kambe mutameri wa matlhari a ala ku endla sweswo, hikuva a a chava ngopfu. Kavaloko Sawulo a hlomula fumu ra yena, a titlhava ha rona.

1 SAMIELE 25:32

Davhida a hlamula Abigayele a ku: “A ku nkhensiwe HOSI Xikwembu xa Israele, lexi xi ku rhumeke namuntlha ku ta ndzi hlanganisa.

1 SAMIELE 25:39

Loko Davhida a twa leswaku Nabala ú lovile, a ku: “A ku nkhensiwe HOSI Xikwembu lexi yimeke na mina, emhakeni ya ku rhuketeriwa ka mina hi Nabala. HOSI Xikwembu xi ndzi siverile ku endla leswo biha, mina nandza wa xona, xi bile Nabala hi xoxe hikwalaho ka mintirho ya yena leyo biha.” Kutani Davhida a rhuma vanhu va ya gangisa Abigayele, leswaku a va nsati wa yena.

Pisalema 7:12

Loko munhu wo biha a nga hundzuki, Xikwembu xi ta lota banga ra xona, xi konga vurha bya xona xi byi rhiya;

Yeremiya 49:38

Ndzi ta susa hosi ya vona ni tindhuna ta yona, ndzi veka loyi ndzi n'wi rhandzaka exiluvelweni, ku vula mina HOSI.

Swirilo 3:58

“We N'wini wa hinkwaswo, u yima na mina, u biyelerile vutomi bya mina.