Pisalema 9:2 - BIBELE Mahungu Lamanene

² Hikwalaho ka wena, ndza tsaka hi ntsako lowukulu, ndzi yimbelela ndzi dzunisa vito ra wena, wena Xikwembu xa le henhla-henhla.

Xitsonga (Bibele)

² Ndzi ta tsaka, ndzi titsakela ha wena; Ndzi ta yimbelela vito ra wena la nge henhlahenhla.

Pisalema 9:2 Referans Kwoze

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

Pisalema 5:11

Kambe hinkwavo lava tumbelaka eka wena va ta tsaka, va ba minkulungwana hilaha ku nga heriki; wena u ta va biyelela leswaku lava ku rhandzaka va kuma ntsako lowukulu eka wena.

Pisalema 7:17

Ndzi ta tlangela HOSI hikwalaho ka ku lulama ka yona, ndzi yimbelela ndzi dzunisa vito ra HOSI, xona Xikwembu-xa-le-henhla-henhla.

Pisalema 97:9

We HOSI, u Xikwembu lexi nga henhla-henhla lexi fumaka misava hinkwayo, swikwembu hinkwaswo swi le hansi ka wena.

Pisalema 28:7

HOSI hi yona matimba ni xitlhangu xanga, ndzi tshemba yona ntsena; sweswi ndzi pfunekile, kutani mbilu ya mina yi tele ntsako, ndzi nkhensa HOSI hi ku yimbelela tinsimu.

Vafilipiya 4:4

Titsakeleni eHosini masiku hinkwawo; ndzi tlhela ndzi vurisa sweswo, ndzi ri: Titsakeleni!

Pisalema 97:12

Titsakeleni eHosini n'wina lavo lulama, mi twarisa vito ra yona lero hlawuleka.

Pisalema 92:1

We HOSI, a hi ku tsakisa ka swona ku ku nkhensa ni ku twarisa vito ra wena hi tinsimu, wena la nge henhla-henhla;

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Pisalema 92:4

Ntirho wa wena we HOSI, wa ndzi tsakisa, ndzi ba nkulungwana ndzi tlangela mintirho ya mavoko ya wena.

Pisalema 43:4

Kutani ndzi ta fika alitarini ya wena, we Xikwembu lexi xi ndzi nyikaka ku tsaka; ndzi ta yimbelela ndzi ku dzunisa hi swichaya-chayani, wena u nga Xikwembu xanga.

Pisalema 27:6

Hikokwalaho, ndzi ta hlula valala va mina lava va ndzi rhendzeleke matlhelo hinkwawo; ndzi ta humesa magandzelo endlwini ya HOSI ndzi ri karhi ndzi ba nkulungwana; ndzi ta yimbelela ndzi dzunisa HOSI.

Pisalema 26:7

ndzi ri karhi ndzi yimbelela risimu ra minkhenso hi rito leri tlakukeke, ndzi twarisa mintirho ya wena hinkwayo leyo hlamarisa.

Pisalema 86:12

We Xikwembu N'wini wanga, ndza ku nkhensa hi mbilu ya mina hinkwayo, ndzi ta twarisa vito ra wena hilaha ku nga heriki,

Pisalema 96:3

Hlayelani vanhu hinkwavo ku dzuneka ka HOSI, matiko hinkwawo a ma tivisiwe mintirho ya yona leyo hlamarisa.

Pisalema 138:1

We HOSI, ndza ku tlangela hi mbilu ya mina hinkwayo, emahlweni ka swivumbiwa swa le tilweni.